Paśla apošnich incydentaŭ z pavietranymi šarami ŭ Litvie zatrymali čatyroch čałaviek
Hienieralnaja prakurorka Litvy Nida Hrunskienie zajaviła, što pakul niama dokazaŭ taho, što kantrabandnyja pavietranyja šary z cyharetami, jakija zalatajuć u Litvu z boku Biełarusi, źjaŭlajucca formaj hibrydnaj ataki suprać krainy. Adnak śledčyja razhladajuć roznyja viersii i źbirajuć dokazy, kab vyśvietlić, što heta arhanizavanaja dziejnaść, paviedamlaje LRT.
Pa słovach Hrunskienie, tolki ŭ hetym hodzie raspačataja 21 kryminalnaja sprava ab pierapraŭcy kantrabandnych cyharet z dapamohaj mietearałahičnych šaroŭ, u jakich užo vyjaŭlena 50 padazravanych.
Za dzieviać miesiacaŭ hetaha hoda zafiksavana bolš za 500 vypadkaŭ vykarystańnia šaroŭ dla kantrabandy. Častka spraŭ abjadnoŭvajecca, kab vyjavić usiu sietku arhanizataraŭ, a nie tolki asob, jakija źbirajuć tavar paśla padzieńnia šaroŭ.
Na siońnia 16 spraŭ pieradadziena ŭ sud, 12 užo razhledžana, 4 jašče razhladajucca. U vyniku sudy asudzili 18 čałaviek, pryznačyŭšy štrafaŭ na sumu bolš za 111 tysiač jeŭra; niekalki čałaviek atrymali terminy pazbaŭleńnia voli ŭ siarednim na 1 hod i 5 miesiacaŭ.
Hrunskienie adznačyła, što ciapier hetyja vypadki kvalifikujucca jak kantrabanda cyharet, ale pry hetym padkreślivajecca asablivaja niebiaśpieka — šary mohuć być vykarystanyja dla pieravozki nie tolki cyharet, ale i narkotykaŭ ci zbroi.
Pavodle jaje, patrebna źmiena Kryminalnaha kodeksu, kab takija dziejańni možna było razhladać jak mahčymyja hibrydnyja ataki abo pahrozy nacyjanalnaj biaśpiecy.
Taksama prakurorka paviedamiła, što paśla apošnich incydentaŭ byli zatrymanyja 4 čałavieki, jakim pryznačyli dvuchmiesiačny aryšt. Za 9 miesiacaŭ vyjaŭlena i kanfiskavana bolš za 730 tysiač pačkaŭ cyharet ahulnym koštam kala 3,55 miljona jeŭra.
Akramia taho, prakuratura źviarnułasia da kiraŭnictva aeraportaŭ, kab acanić škodu, naniesienuju z-za pierapynieńnia palotaŭ, vyklikanaha źjaŭleńniem šaroŭ u pavietry.
Na minułym tydni ŭ Vilni i Koŭnie niekalki razoŭ prypyniali paloty, kali fiksavali zalot kantrabandnych šaroŭ z boku Biełarusi. U vyniku ŭłady Litvy vyrašyli zakryć biełaruska-litoŭskuju miažu prynamsi na miesiac z 29 kastryčnika da 30 listapada.
Sioleta litoŭskija pamiežniki pierachapili ŭžo 545 šaroŭ z kantrabandaj i 50 dronaŭ ź Biełarusi
Dla pavietranych šaroŭ ź Biełarusi ŭ Litvu spryjalny viecier dźmie 51 dzień u hod
ZŠA dali zrazumieć Łukašenku, što čakajuć spynieńnia zapusku mieteazondaŭ u Litvu
U paniadziełak uviečary ŭ Litvie znoŭ byli zafiksavanyja pavietranyja šary, ale Vilenski aeraport nie zakryvali
«Heta — preludyja vajny». Byłaja ministarka abarony Litvy pra pryloty pavietranych šaroŭ ź Biełarusi
Babaryka try chviliny adkazvaŭ na pytańnie, čyj Krym. Tak i nie adkazaŭ89
Kamientary