Hałoŭnakamandujučy Uzbrojenymi siłami Ukrainy Alaksandr Syrski naviedaŭ rajon Pakroŭska i Mirnahrada, jakija zaraz źjaŭlajucca hałoŭnymi metami nastupalnaj kampanii rasijskich vojskaŭ. Syrski pryznaŭ, što situacyja ŭ rajonie składanaja.
«Situacyja składanaja, ale zajaŭleńni rasijskaj prapahandy pra nibyta «błakavańnie» Sił abarony Ukrainy ŭ Pakroŭsku, jak i ŭ Kupiansku, nie adpaviadajuć rečaisnaści», — zajaviŭ jon.
Pa jaho słovach, u Pakroŭsku rasijskaja piachota, «paźbiahajučy bajavych sutyknieńniaŭ, zasiarodžvajecca ŭ haradskoj zabudovie, mianiaje miescy znachodžańnia, tamu pieršačarhovaja zadača — vyjavić jaje i źniščyć».
«Pracujem nad uzmacnieńniem ustojlivaści abarony na pakroŭskim napramku. Tut važnyja: jakasnaje ŭzajemadziejańnie pamiž padraździaleńniami, zabieśpiačeńnie ich usim nieabchodnym, u tym liku ŭ adpaviednaści z dadatkovymi patrebami; dakładnaje i skaardynavanaje vykanańnie pastaŭlenych zadač. Kožny kamandzir, niezaležna ad uzroŭniu, pavinien arhanizavać jakasnaje vykanańnie zadač. Stroha papiaredziŭ kamandziraŭ ab niedapuščeńni biezadkaznaści. Za heta budu prymać žorstkija miery, da źniaćcia z pasad», — dadaŭ hałoŭnakamandujučy.
Ciapier čytajuć
81‑hadovuju maci aŭtaryteta Skitova z «Babulinaj krynki» kinuli ŭ SIZA KDB, kab jon narešcie zahavaryŭ1
81‑hadovuju maci aŭtaryteta Skitova z «Babulinaj krynki» kinuli ŭ SIZA KDB, kab jon narešcie zahavaryŭ
Aktor Toŭścikaŭ: Na pakazie, kali pryjšli zbolšaha rasijskija hledačy — publika śmiajałasia. A kali byli biełarusy, Cichanoŭskaja — stajała poŭnaja cišynia11
Kamientary
Praz tydzień budzie zrazumieła adpaviadajuć ci nie.