U handlovym kompleksie «Pieršy nacyjanalny» ŭ Minsku pradajecca kvatera
Amal dva hady tamu na miescy byłoha iranskaha doŭhabuda na praśpiekcie Niezaležnaści pačaŭ pracavać «Pieršy nacyjanalny» handlovy centr. Akramia kramaŭ ź biełaruskimi tavarami ŭ budynku raźmiaścilisia i kvatery.
Niahledziačy na toje, što žyllo tut u asnoŭnym — arendnaje, časam u budynku źjaŭlajucca varyjanty na prodaž. Naprykład, prosta ciapier u domie pobač z «Danaj Moł» i Nacyjanalnaj biblijatekaj pradajecca dvuchpakajovaja kvatera, piša Realt.by.
Kvatera raźmieščana na praśpiekcie Niezaležnaści, 134/1. Žyllo znachodzicca na vośmym paviersie adzinaccacipaviarchovaha handlova-ofisnaha budynka. Akny kvatery vychodziać na dziciačy sad i lasny masiŭ. Ahulnaja płošča «dvuški» składaje 58 kvadratnych mietraŭ. Kvatera składajecca z pryjomnaj, prastornaj kuchni-haścioŭni, asobnaj spalni i raździelnaha sanvuzła. Uličvajučy abstaviny budoŭli (u pracesie budynak źmianiŭ pryznačeńnie), bałkona ŭ kvatery niama. Zatoje ŭ žylli — vysokija stoli (3,08 mietra), što dadaje mahčymaściej dla ŭvasableńnia raznastajnych idej.
U dvuchpakajovaj kvatery ŭžo zrobleny standartny ramont — praŭda, bieź jakich-niebudź vytančanaściej. Na fatahrafijach možna zaŭvažyć śvietłyja ścieny, łaminat, plitku.
U zonie kuchni ŭstalavana elektryčnaja plita i rakavina. Na fota taksama možna zaŭvažyć šafu i chaładzilnik. U abjavie adznačajecca, što ŭ kvateru praviedziena aptavałakno. Na fatahrafijach možna razhledzieć žyłyja pavierchi i padjezd doma. Usio vyhladaje davoli ścipła.
Aŭtar abjavy zhadvaje vydatnaje raźmiaščeńnie doma. Za dźvie chviliny ad «Pieršaha nacyjanalnaha» znachodzicca stancyja mietro «Uschod», a praz darohu — handlovy centr «Dana Moł». Dla amataraŭ piešych prahułkaŭ — zialonaja zona ŭzdoŭž Ślapianskaj vodnaj sistemy i lasny masiŭ. Pobač z šmatpaviarchoŭkaj znachodzicca škoła № 61 (sa svaim stadyjonam) i jasli-sad № 572.
Dla žycharoŭ i haściej handlovaha doma pad budynkam abstalavany padziemny parkinh na 1135 miescaŭ. Košt dvuchpakajovaj kvatery z azdableńniem składaje 135 tysiač dołaraŭ (2316 dołaraŭ — za mietr).
Ciapier čytajuć
Łukašenka nazvaŭ patrabavańni i pretenzii da Litvy: alternatyŭny ŭrad, charuhvy, port, mašyny dla Zimbabve, sanatoryj55
Łukašenka nazvaŭ patrabavańni i pretenzii da Litvy: alternatyŭny ŭrad, charuhvy, port, mašyny dla Zimbabve, sanatoryj
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1717
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju17
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy2424
Kamientary