Novy dziŭny trend: maładoje pakaleńnie skuplaje zvyčajnyja kamiani — navošta?
Pakaleńnie alfa vychoŭvaje kamiani jak chatnich hadavancaŭ. A bolš darosłyja zumiery z dapamohaj kamianioŭ lečać zaležnaść.
Dla amataraŭ kamianioŭ navat prydumali aznačeńnie — petrokiery (ad anh. pet — hadavaniec i rock — kamień). Zvyčajny kamień z vulicy dla prava zvacca novym členam siamji pasuje nie ŭsim, tamu na markietpłejsach ciapier jość vialiki vybar «parodzistych» varyjantaŭ — kamianioŭ, u jakich jość navat pašpart i imiony.
Tak, na Wildberries možna abrać sabie novaha siabra ŭ cenavym dyjapazonie ad 6 da 14 rubloŭ, u zaležnaści ad typu kamienia i jaho ŭłaścivaściaŭ. Dastupnyja, naprykład, hipaalerhiennyja varyjanty ci adrazu z aksiesuarami i domikam.
Da kamianioŭ dałučajecca instrukcyja, jak ź imi abychodzicca, i asabistaja knižačka, kudy možna budzie ŭpisać imia, proźvišča, poł, dzień narodzinaŭ i inšyja charaktarystyki, kab «naładzić z hadavancam emacyjnuju suviaź».
U ZŠA i Paŭdniovaj Karei petrokierstva było aktualnym jašče paru hadoŭ tamu, a ciapier dakaciłasia i da inšych krain.
Kali ŭ dziaciej 6‑12 hadoŭ kamiani — jak tamahočy ŭ svoj čas dla milenijałaŭ, to dla zumieraŭ jany nabyli dadatkovaje ŭnikalnaje značeńnie. Apošnim časam u siecivie papularyzujecca praktyka — prosta siadzieć z kamieniem u rukach štodzień ciaham hadziny i ničoha nie rabić. Dla takoj mety pasuje ŭžo choć jaki kamień.
Takim čynam zumiery ładziać niešta padobnaje da miedytacyi, što dapamahaje im skancentravacca vyklučna na sabie i adpačyć ad hadžetaŭ, ź jakimi jany baviać bolšuju častku žyćcia. Hłabalnaja meta padobnych praktyk — pieraadoleć zaležnaść ad sacsietak.
«Rejv na zavodzie». Zumiery padymajuć prodažy biełaruskich pradpryjemstvaŭ, zdymajučy virusny kantent
Zumiery, alfa, milenijały — chto heta takija? Tłumačym
«Biełarusy havorać» — novy tred, jaki ŭzvarušyŭ Threads
Ajcišniki-mužčyny masava pačali rabić botaks i płastyčnyja apieracyi — novy trend Kremnijevaj daliny
Čym strašniejšaja kładziešsia spać, tym pryhažejšaja pračynaješsia: modnicy apantanyja ekstremalnym načnym dohladam
Ciapier čytajuć
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3434
Kamientary