U pačatku kastryčnika Biełarusbank abviaściŭ radasnuju navinu dla tych, chto płanuje kuplać kvateru ŭ novabudoŭli. Ceły miesiac ludzi mahli zaklučać damovy pa źnižanaj staŭcy.
U piatnicu stała viadoma, što akcyja praciahvajecca da kanca listapada. Infarmacyju paćvierdzili ŭ kantakt-centry banka, piša Onliner.by.
Nahadajem, što staŭka pa kredytach na kuplu žylla, jakoje budujecca abo hatovaha ŭ zabudoŭščykaŭ, była źnižana z 16,65% da 13,75%. Skarystacca šancam možna było da 31 kastryčnika ŭklučna. Dla tych, chto nie paśpieŭ uziać kredyt za taki nievialiki pramiežak času, akcyju praciahnuli da 30 listapada.
Prapanova dziejničaje ŭ ramkach nastupnych kredytnych praduktaŭ:
- «Kredyt na ŭźviadzieńnie kvatery ŭ šmatkvaternym žyłym domie»;
- «Ipateka Ekspres» na nabyćcio kvatery ci doma ŭ zabudoŭščykaŭ;
- «Čas budavać» (HP «Viciebski DSK», AAT «Mahiloŭski DSK»);
- «Na nabyćcio kvatery ci doma ŭ zabudoŭščykaŭ».
Darečy, u kastryčniku jašče adzin bank vyrašyŭ dać biełarusam mahčymaść bolš vyhadna nabyvać mietry ŭ zabudoŭščykaŭ. Havorka idzie pra Bielinviestbank. Tam staŭka pa kredytach na novabudoŭli źniziłasia z 15,5% da 14,9% hadavych, pry hetym časovych ramak u prapanovy niama.
Ciapier čytajuć
«Vyzvalali niemcaŭ ad fašyzmu, a sami zastavalisia ŭ tym ža dziarmie». Apublikavana treciaja častka ŭspaminaŭ Ryhora Biarozkina pra savieckija represii3434
Kamientary