Na Maldyvach zabaranili kuryć usim, chto naradziŭsia paźniej za 2006 hod
Maldyvy stali pieršaj krainaj u śviecie, dzie ŭvodzicca poŭnaja zabarona na kureńnie dla maładoha pakaleńnia. Ciapier na terytoryi archipiełaha nielha budzie kuryć, a taksama kuplać abo pradavać tytuniovyja vyraby tym, chto naradziŭsia paśla 1 studzienia 2007 hoda — u tym liku turystam, piša Bi-bi-si.
Jak paviedamiła Ministerstva achovy zdaroŭja Maldyvaŭ, heta rašeńnie «adlustroŭvaje ćviorduju prychilnaść urada abaraniać moładź ad škodnaha ŭździejańnia tytuniu».
Pa słovach Achmieda Afaała, namieśnika staršyni rady pa baraćbie z kureńniem, hety krok staŭ łahičnym praciaham letašniaha rašeńnia zabaranić vejpinh. Jon adznačyŭ, što elektronnyja cyharety — heta «chitraść industryi, nakiravanaja na pryciahnieńnie maładych ludziej da škodnaj zvyčki».
Novy zakon achoplivaje ŭsie vidy tytuniovych vyrabaŭ. Pradaŭcy abaviazanyja praviarać uzrost pakupnikoŭ. Heta taksama adpaviadaje mižnarodnym abaviazacielstvam Maldyŭskich astravoŭ u miežach Ramačnaj kanviencyi Suśvietnaj arhanizacyi achovy zdaroŭja pa baraćbie suprać tytuniu.
Zabarona raspaŭsiudžvajecca i na turystaŭ. Tym, chto naradziŭsia paśla 2007 hoda, kuryć na Maldyvach budzie nielha. Adnak ułady pierakananyja, što heta nie paŭpłyvaje na turystyčny patok.
«Ludzi pryjazdžajuć na Maldyvy nie dziela kureńnia, a dziela plažaŭ, mora, sonca i śviežaha pavietra», — padkreśliŭ Afaał. Pavodle prahnozaŭ, na nastupny hod krainu naviedajuć bolš za dva miljony turystaŭ.
Darečy, padobnyja zabarony ŭžo razhladalisia ŭ inšych krainach. U Novaj Ziełandyi płan paetapnaj zabarony kureńnia byŭ adkładzieny novym uradam u 2023 hodzie, a ŭ Vialikabrytanii zakon, jaki zabaraniaje prodaž tytuniu ludziam, narodžanym paśla 2009 hoda, usio jašče na razhladzie parłamienta.
Michelin vydaŭ hanarovyja klučy najlepšym hatelam śvietu
«Biełaruskija Maldyvy» stanuć pomnikam pryrody. Čym unikalnyja zatoplenyja Vaŭkavyskija karjery
Kolki kaštuje adpačynak na Maldyvach dla biełarusaŭ?
Jak pajechać u ekzatyčnaje padarožža i nie zachvareć?
Maldyvy, Zanzibar i Italija: kudy paniesła adpačyvać prychilnikaŭ Łukašenki
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim6
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3131
Kamientary