Kolki treba budzie zapłacić?
Źmieny praduhledžvaje zakonaprajekt, apublikavany na Nacyjanalnym pravavym partale.
Dla fizičnych asob padatak na lehkavyja aŭto vyraście na 5‑17 rubloŭ u zaležnaści ad ahulnaj dapuščalnaj vahi transpartnaha srodku.
Za lehkavy aŭtamabil, jaki maje dazvolenuju maksimalnuju masu da 1,5 tony (abo niama infarmacyi pra heta), padatak płanujuć pavysić z 70 da 75 rubloŭ.
Dla inšych katehoryj aŭto padatak budzie taki:
- 1,5—1,75 tony — 99 rubloŭ (było 92);
- 1,75—2 tony — 124 rubli (było 116);
- 2—2,25 tony — 148 rubloŭ (było 138);
- 2,25—2,5 tony — 177 rubloŭ (było 161);
- 2,5—3 tony — 196 rubloŭ (było 183);
- bolš za 3 tony — 270 rubloŭ (było 253).
Pryčepy i matacykły
Za pryčep z ahulnaj dapuščalnaj masaj da 750 kh i za pryčep-daču padatak płanujuć padniać da 49 rubloŭ (było 46).
Za pryčep z ahulnaj masaj bolš za 750 kh (pad katehoryju Je) — da 270 rubloŭ (było 253).
Za matacykł — da 49 rubloŭ.
Hruzavy transpart u fizičnych asob
Za hruzavy i hruzapasažyrski transpart ahulnaj masaj da 2,5 tony (katehoryja V) padatak budzie 196 rubloŭ.
Kali ad 2,5 da 3,5 ton (taksama katehoryja V) — 418 rubloŭ.
Za hruzaviki pad katehoryju S staŭki buduć vyhladać tak:
- 3,5—12 ton — 541 rubiel;
- bolš za 12 ton — 614 rubloŭ.
Jurydyčnyja asoby i IP
Dla arhanizacyj i indyvidualnych pradprymalnikaŭ staŭki aŭtamabilnaha padatku tradycyjna bolš vysokija. Adpaviedna i rost zapłanavany vyšejšy — ad 13 da 25 rubloŭ za lehkavyja aŭto.
Staŭki buduć vyhladać nastupnym čynam:
- da 1 tony — 196 rubloŭ (było 183);
- 1—2 tony — 253 rubli (było 196);
- 2—3 tony — 309 rubloŭ (było 289);
- bolš za 3 tony — 393 rubli (było 368).
Za hruzavy i hruzapasažyrski transpart ahulnaj masaj da 2,5 tony (katehoryja V) padatak budzie 337 rubloŭ.
Kali ad 2,5 da 3,5 tony (taksama katehoryja V) — 477 rubloŭ.
Za hruzaviki pad katehoryju S staŭki buduć vyhladać tak:
- 3,5—12 ton — 617 rubloŭ;
- bolš za 12 ton — 702 rubli.
Za siadzielny ciahač (hałava fury) — 562 rubli.
Za matacykły — 85 rubloŭ.
Za pryčepy z vahoj da 750 kh padatak padymuć da 141 rubla, za pryčep bolš za 750 kh (pad katehoryju Je) — da 337 rubloŭ.
Zamožnych aŭtaŭładalnikaŭ taksama čakajuć źmieny
Nahadajem, što z 2024 hoda dla ŭłaśnikaŭ luksavych aŭto ŭviedzieny dziesiacikratny padatak.
To-bok, za ŭmoŭny Bentley Bentayga, jaki maje masu bolš za 3 tony, fizičnaja asoba budzie płacić padatak u 2700 rubloŭ.
Darečy, z nastupnaha hoda padatak za luksavyja aŭto buduć uźnimać pa inšaj schiemie.
Vielmi darahija aŭtamabili luksavych marak buduć abkładacca dziesiacikratnym padatkam da dasiahnieńnia imi dziesiacihadovaha ŭzrostu, a luksavyja, ale bolš prostyja marki i madeli — tolki ciaham 3—5 hadoŭ z momantu vypusku.
Zhodna z prajektam respublikanskaha biudžetu, naleta płanujuć sabrać amal 383,8 młn rubloŭ ad transpartnaha padatku. Sieleta heta było kala 350 młn.
Kamientary