Vydaviectva «Technałohija» vypuściła kalandar na 2026 hod z čorna-biełymi fotazdymkami, zroblenymi ŭ Minsku ŭ 2002—2005 hadach. Aŭtar fota — mastak, fatohraf i litaratar Artur Klinaŭ. Kalandar pryśviečany 20‑hodździu jahonaha prajekta «Horad Sonca».
Jak paviedamlaje vydaviectva na svajoj staroncy ŭ instahramie, kalandar vyjšaŭ na biełaruskaj i anhlijskaj movach, kaštuje 21 rubiel.
«Horad SONca» — prajekt Artura Klinava, pryśviečany vobrazu Minska jak idealnaha horada Utopii dla budučaha idealnaha hramadstva.
«U knizie «Małaja padarožnaja knižka pa Horadzie SONca» Artur Klinaŭ jak architektar-horadabudaŭnik viadzie ekskursiju pa Horadzie SONca, apaviadajučy pra jaho kancepcyju, historyju źjaŭleńnia, estetyku i kanony. Akramia taho, prajekt «Horad SONca» — heta ŭnikalnaja kalekcyja mastackich fotazdymkaŭ, zroblenych aŭtaram u 2002—2005 hadach», — adznačajuć vydaŭcy.
Zamović kalandar možna na sajcie tn.by abo nabyć u kramie vydaviectva pa adrasie Laŭkova, 19 (uvachod z boku Varanianskaha, st. mietro Kavalskaja Słabada, pn-čc z 10:00 pa 19:00, pt — 10:00—18:00).
Ciapier čytajuć
Bližejšym časam buduć vyzvaleny bolš za 150 palitźniavolenych7
Kamientary
Klinaŭ tak vydzialaje "son" u naźvie z samaha pačatku, z 2006-ha.
Jana značyć "horod–son, v kotorom łučšije sovietskije architiektory hienialno vopłotili svoi miečty ob idiealnom «akropolisie» v stranie kommunizma, kotoryj kohda–nibud́, da pobiedit."
Pakul nie bačna, što aŭtar niejak pieravyznyčyŭ sens nazvy. Heta Vašaje ŭłasnaje ŭsprymańnie, re-interpretacyja.
A hałoŭnaja častka nazvy pra nibyta realizacyju Horada Sonca Kampanieły ŭ Minsku.