Volkswagen Bora, Opel Grandland X, Citroen C5, Peugeot 406, što stajali kala šmatkvaternych žyłych damoŭ, akazalisia na šlachu chulihana. Z dapamohaj mietaličnaha kluča i rukami jon rabiŭ drapiny na kuzavie, łamaŭ lusterki zadniaha vidu, škłoačyščalniki.
Momant, kali nieviadomy čyniŭ raspravu nad aŭtamabilem Opel — u tym liku adarvaŭ i defarmavaŭ rehistracyjny znak — trapiŭ na kamieru videanazirańnia.
Padčas ahladu miescaŭ zdareńniaŭ ekśpiert adździeła Dziaržkamiteta sudovych ekśpiertyz vyjaviŭ na ramcy adarvanaha rehistracyjnaha znaka ślady ruk.
Heta supała z adbitkami palcaŭ 38‑hadovaha hramadzianina, što paśla było paćvierdžana vynikami sudovaj ekśpiertyzy.
Žychar Horak viartaŭsia dadomu z haściej, svaje nieadekvatnyja pavodziny jon patłumačyŭ stanam ałkaholnaha apjanieńnia…
Mužčyna raskajaŭsia i kampiensavaŭ škodu, raniej da kryminalnaj adkaznaści nie pryciahvaŭsia, u suviazi z čym śledčy sa zhody prakurora vyzvaliŭ jaho ad kryminalnaj adkaznaści z užyvańniem mier administracyjnaha spahnańnia.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim17
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3636
Kamientary