Aktrysa pryjechała va Ukrainu ź nieanansavanym vizitam.
4 listapada aktrysa naviedała Chierson. Jana nie apaviaściła ŭłady krainy pra svoj vizit i pierajšła ŭkrainskuju miažu pieššu, piša Politico sa spasyłkaj na vysokapastaŭlenaha ŭkrainskaha čynoŭnika.
Aŭtamabil z Džali spynili na błok-pastu ŭ horadzie Paŭdniovaŭkrainsk (niepadalok ad miažy z Małdovaj), a jaje kiroŭcu zabrali supracoŭniki TCK (terytaryjalnaha centra kamplektavańnia, ukrainski anałah vajenkama) z-za taho, što ŭ jaho nie było pry sabie nieabchodnych dakumientaŭ. Aktrysa pajechała ŭ TCK, kab paprasić adpuścić mužčynu.
U abłasnym centry kamplektavańnia raskazali žurnalistam, što kiroŭca byŭ reziervistam, jakomu było zahadana źjavicca na vajennuju pierapadrychtoŭku. Što ź im adbyłosia paśla zatrymańnia — nie ŭdakładniajecca.
Andželina Džali vystupaje pasłom dobraj voli JUNISIEF. Heta jaje druhi vizit va Ukrainu — u 2022 hodzie aktrysa naviedała Lvoŭ.
Na pačatku paŭnamaštabnaj vajny rasijskaja armija akupavała Chierson, adnak u listapadzie 2022 hoda pakinuła horad. Ciapier Chierson znachodzicca pobač ź linijaj frontu i ŭvieś čas ciarpić ad rasijskich abstrełaŭ.
Što Babaryka i Kaleśnikava adkazali na pytańni pra vajnu97
Kamientary