U BDUIR vybirajuć studenta hoda. Internaŭty masava hałasujuć za Palinu Šabołdu
U niejki momant ukinuli hałasy za inšaha studenta, ale jon niadoŭha pratrymaŭsia ŭ pieramožcach.
U BDUIR prachodzić hałasavańnie za zvańnie studenta hoda. U telehram-kanale BRSMa ŭniviersiteta možna było padtrymać adnaho ź piaci kandydataŭ.
U kanała ŭsiaho kala 800 padpisčykaŭ, ale pra hałasavańnie daviedalisia i za miežami ŭniviersiteta. Internaŭty stali masava hałasavać za studentku Palinu Šabołdu.
U niejki momant byli ŭkinutyja hałasy za studenta Alaksandra Kvartalnaha, i jon vyrvaŭsia napierad z 60% hałasoŭ.
Ale paśla ŭsio ž narodnaja padtrymka zrabiła svaju spravu, i ŭ lidarach znoŭ apynułasia Palina Šabołda. Jana ŭ vyniku i pieramahła ŭ konkursie BDUIR «Student hoda anłajn».
Na hety momant u hałasavańni paŭdzielničała kala 35 tysiač čałaviek. U samim univiersitecie vučycca 15 tysiač čałaviek.
Palina Šabołda vučycca na druhim kursie fakulteta kampjutarnaha prajektavańnia BDUIRa. Dziaŭčyna z Babrujska, zajmałasia ŭ ansambli tanca «Pacieški» i šmat vystupała na scenie ŭ rodnym horadzie.
Ciapier čytajuć
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy1919
Kamientary