U Homieli vynieśli prysud hrupie padletkaŭ z Mazyra, jakich abvinavacili ŭ stvareńni ekstremisckaha farmavańnia i ŭdziele ŭ im. Usiaho ŭ spravie fihuravała vosiem čałaviek, ź jakich siem nie dasiahnuli na momant ździajśnieńnia inkryminavanych im parušeńniaŭ 18 hadoŭ, piša BiełTA.
Pa viersii śledstva, «padletki viali prapahandu nacyzmu i datyčnyja da šerahu napadaŭ na haradžan u Mazyry — pa matyvach nacyjanalnaj i inšaj sacyjalnaj varožaści i nianaviści». Jany zdymali svaje dziejańni na fota i videa, a zatym publikavali ich u internecie.
U siecivie, jak śćviardžajecca, «byli stvoranyja dziasiatki telehram-kanałaŭ, hrup i botaŭ, praź jakija papularyzavali idei nacyzmu i reabilitavali nacysckich złačyncaŭ, raspalvali mižnacyjanalnuju i sacyjalnuju varožaść, dyskredytavali Biełaruś, prapahandavali teraryzm».
Sud razhladaŭ spravu na zakrytym pasiadžeńni. Usie abvinavačanyja pryznanyja vinavatymi, im vynieśli prysudy ad 3 hadoŭ «chatniaj chimii» da 6 hadoŭ 9 miesiacaŭ kałonii. Piaci fihurantam pakarańnie źmienšyli pa amnistyi, prymierkavanaj da 80‑hodździa pieramohi ŭ Druhoj suśvietnaj vajnie.
Nazva hrupoŭki ŭ materyjale dziaržaŭnych prapahandystaŭ nie nazyvajecca, ale vidavočna, što havorka idzie pra siabraŭ abjadnańniaŭ «Piert» i «Duch Rusi», pra aryšt jakich i zaviadzieńnie kryminalnych spraŭ paviedamlałasia viasnoj hetaha hoda.
Maładych mazyrskich skinchedaŭ z «Ducha Rusi» buduć sudzić za «prapahandu teraryzmu»
Lidar mahiloŭskich fanataŭ paśla sutak źbiraŭsia va Ukrainu pa svabodu, a ciapier jon za Łukašenku, HUBAZiK i Rasiju
Jak biełaruskija fanaty pierajšli ad impierskaha rasijskaha da bieł-čyrvona-biełaha ściaha – i ŭ vyniku pakinuli stadyjony
Ciapier čytajuć
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy1919
Kamientary