Maładoha rasijskaha kryptamachlara, jaki skraŭ $500 miljonaŭ i ŭciok, razam z žonkaj žorstka zabili ŭ Emiratach
Raman Novak nazyvaŭ siabie siabram Paŭła Durava i, prykryvajučysia jaho imiem, pryciahvaŭ hrošy ŭ prajekt dla kryptapieravodaŭ Fintopio.
Raman Novak z žonkaj pierastali vychodzić na suviaź z rodnymi miesiac tamu. Blizkija zabili tryvohu, pačalisia pošuki. Śledstva vyjaviła, što Novaka z žonkaj vykrali z metaj vymahalnictva hrošaj. Ale, nie znajšoŭšy žadanaj sumy, vykradalniki žorstka raspravilisia ź imi, piša 112.
U pačatku kastryčnika ich telefony jašče dva dni fiksavalisia ŭ Chacie (emirat Dubaj) i Amanie, a zatym u Kiejptaŭnie (PAR). Paśla hetaha sihnał źnik.
Cieły zabitaj pary rasčlanili i rasfasavali pa pakietach. Pakiety pakinuli ŭ roznych kantejnierach u vakolicach handlovaha centra ŭ Chacie, paviedamlaje «Fontanka».
Złačyncy ŭžo zatrymanyja, jany hramadzianie Rasii. U chutkim časie ich ekstradujuć u Sankt-Pieciarburh.
Novak nie raz traplaŭ u pole zroku ŚMI i siłavikoŭ. Apošni raz jon, pavodle papiarednich danych, źbieh z 500 młn dalaraŭ, uziatymi ŭ inviestaraŭ na raźvićcio biznesu.
U pary zastalisia dzieci — pa ich u Dubaj prylacieŭ baćka Hanny i zabraŭ ich dadomu.
Raman Novak zapeŭnivaŭ inviestaraŭ, što jaho prajekt Fintopio — dadatak dla kryptapieravodaŭ — źviazany z bujnymi IT-kampanijami i asabista z Paŭłam Duravym. Pryciahvaŭ bujnyja inviestycyi, pakazvaŭ «kantrakty» ź blizkaŭschodnimi fondami i fota z arabskimi pryncami.
Dadatak Fintopio byŭ stvorany ŭkrainskimi raspracoŭščykami, jakim Novak tak i nie zapłaciŭ. Siarod padmanutych — inviestary z Kitaja, AAE, ukrainskija siłaviki i navat deputat Dziarždumy RF.
U vieraśni siłaviki pravodzili masavyja pieratrusy ŭ maskoŭskich kryptaabmieńnikach u pošukach jahonych śladoŭ.
-
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju
-
Zialenski: Mirny płan ZŠA skaracili z 28 da 20 punktaŭ, ale ŭ Trampa ŭłasnaje bačańnie
-
Kaja Kałas — biełarusam: Vy možacie raźličvać na Jeŭrapiejski sajuz. Bolšaść krain ES vyjšli z chałodnaha aŭtarytarnaha minułaha
Ciapier čytajuć
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy1919
Kamientary