Niamiecki hienierał: Rasija mahła b pačać nievialikuju ataku suprać NATO ŭžo zaŭtra
«Rasija maje dastatkova asnoŭnych bajavych tankaŭ, kab abmiežavany napad byŭ mahčymy ŭžo zaŭtra».
Hienierał-lejtenant Bundeśviera Alaksandr Zolfrank zajaviŭ, što Rasija ŭžo zaraz maje siły dla abmiežavanaha ŭdaru pa terytoryi NATO.
«Kali vy pahladzicie na ciapierašnija mahčymaści i bajavuju moc Rasii, Rasija mahła b pačać nievialikuju ataku suprać terytoryi NATO ŭžo zaŭtra»,
— skazaŭ hienierał u intervju ahienctvu Reuters.
«Nievialikuju, chutkuju, abmiežavanuju rehijanalna, ničoha vialikaha — dla hetaha Rasija zanadta zaniataja va Ukrainie».
Zolfrank paŭtaryŭ papiaredžańni NATO, što Rasija patencyjna moža arhanizavać bujnamaštabny napad na aljans užo ŭ 2029 hodzie, kali budzie praciahvać hetak ža naroščvać uzbrajeńnie.
Hienierał zajaviŭ, što, niahledziačy na niaŭdačy va Ukrainie, vajskova-pavietranyja siły Rasii zachoŭvajuć istotnuju bajavuju moc, a jaje jadziernyja i rakietnyja siły zastajucca niekranutymi. I chacia Čarnamorski fłot značna paciarpieŭ, inšyja rasijskija fłaty nie byli skaročanyja. Da taho ž Rasija maje namier pavialičyć ahulnuju kolkaść vojskaŭ da 1,5 miljona sałdat.
«I Rasija maje dastatkova asnoŭnych bajavych tankaŭ, kab abmiežavany napad byŭ mahčymy ŭžo zaŭtra», — dadaŭ Zolfrank, nie skazaŭšy, što taki napad zaraz płanujecca.
Ci vyrašyć Maskva atakavać NATO, budzie vyznačacca tryma faktarami: vajennaj mocaj Rasii, jaje vajennym dośviedam i kiraŭnictvam. Ale mnohaje zaležyć i ad mocy NATA.
Ciapier čytajuć
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy1616
Kamientary