Biełaruś admoviłasia časova adkryć punkt propusku «Bieniakoni»
Punkt propusku «Salečniki» (ź biełaruskaha boku «Bieniakoni») zastajecca zakrytym, paviedamiŭ daradca premjer-ministra Litvy Ihnas Dabravolskas. Biełaruś u piatnicu ŭviečary admoviłasia časova jaho adkryć, paviedamlaje LRT.
Punkt propusku «Salečniki» zastajecca zakrytym, ale ŭrad praciahvaje šukać mahčymaści dapamahčy litoŭskim pieravozčykam viarnuć svaju majomaść. Litva zaklikaje svaich pieravozčykaŭ źbirać infarmacyju pra paniesienyja straty, kab paśla pasprabavać spahnać ich ź Biełarusi, adznačyŭ Dabravolskas.
Dabravolskas kaža, što ŭłady Biełarusi i dalej stvarajuć štučnyja pieraškody litoŭskim i jeŭrapiejskim kampanijam dla viartańnia svajoj majomaści — hruzavoha transpartu z terytoryi Biełarusi. «Punkty propusku byli zakrytyja ŭ adkaz na hibrydnuju ataku suprać Litvy, z-za jakoj uźnikła pahroza hramadzianskaj avijacyi, byli zakranuty niekalki dziesiatkaŭ rehularnych rejsaŭ i paciarpieli niekalki dziasiatkaŭ tysiač pasažyraŭ», — prakamientavaŭ jon.
U Biełarusi zachraśli kala 5 tysiač litoŭskich ciahačoŭ i paŭpryčepaŭ, a Minsk zabaraniaje ich ruch pa krainie. Litva vykazvała nadzieju, što punkt «Salečniki» («Bieniakoni»), niahledziačy na zakrytuju da 30 listapada miažu, časova budzie adkryty dla propusku furaŭ, ale ŭ čaćvier pres-sakratar MZS Biełarusi Rusłan Varankoŭ zajaviŭ, što Biełaruś admaŭlajecca heta rabić.
-
Łukašenka na pieramovach u Amanie ŭstaviŭ takoje słova, što pierakładčyca na arabskuju razhubiłasia
-
U Lidzie pabralisia šlubam 15‑hadovyja chłopiec i dziaŭčyna. Samaj maładoj mamie Hrodzienščyny taksama 15
-
«U płanie byli jašče niekalki krain». Maršrut Łukašenki składali tak, kab nie nadta biła pa zdaroŭi
Raptoŭna pamior Uładzimir Usier — niemałady aktyvist, jaki ŭlapaŭsia ŭ film BT i špijanaž u Polščy29
Kamientary