Sproba školnikaŭ spampavać anłajn-hulniu skončyłasia strataj dostupu da ŭlikovych zapisaŭ iCloud
U Frunzienskaje RUUS źviarnulisia dva čałavieki: ich dzieci chacieli biaspłatna spampavać papularnuju anłajn-hulniu, adnak stali achviarami machlaroŭ.
Padletki ŭ sacyjalnych sietkach napisali paviedamleńnie nieznajomcam, jakija ŭ svaich videa prapanoŭvali padzialicca dostupam z usimi achvotnymi. Pa ich paradzie jany ŭviali na svaich mabilnych pryładach łahin i parol čužoha Apple ID, paśla čaho telefony byli zabłakavanyja, paviedamlaje «Milicyja Minska».
Za viartańnie dostupu da svaich akaŭntaŭ afierysty zapatrabavali pieraličyć ad 75 da 250 rubloŭ u ekvivalencie na paznačanyja rachunki. Školniki nie stali płacić i raskazali pra ŭsio baćkam.
Zaviedzienyja kryminalnyja spravy za vymahalnictva.
Kamientary