Adna ź biełarusak, paciarpiełych padčas DTZ u Tajłandzie, u ciažkim stanie
Raniej paviedamlałasia, što ŭ DTZ z aŭtobusam u Tajłandzie paciarpieli šeść rasijan i piać biełarusaŭ. U konsulskim adździele pasolstva Rasii ŭ Tajłandzie «RIA Novosti» raskazali, što DTZ adbyłosia 6 listapada, piša BiełTA.
«Paciarpieli šeść rasijan i piać hramadzian Respubliki Biełaruś. U dziesiaci čałaviek byli lohkija traŭmy i ŭdary. Jany vypisalisia z balnicy adrazu paśla akazańnia mieddapamohi i ŭžo znachodziacca ŭ Patai. Adna hramadzianka Biełarusi atrymała bolš ciažkija traŭmy. Jana ŭsio jašče ŭ balnicy», — paviedamili rasijskija dypłamaty.
«U našym adździaleńni znachodzicca ŭ ciažkim stanie adna žančyna, hramadzianka Biełarusi, paciarpiełaja ŭ DTZ na terytoryi hatelu. Pacyjentka atrymała pry avaryi paškodžańni ŭnutranych orhanaŭ, ale jana ŭ prytomnaści i nie padklučanaja ni da jakoj aparatury žyćciezabieśpiačeńnia, jaje stan stabilna ciažki», — paviedamili ahienctvu «RIA Novosti» ŭ adździaleńni intensiŭnaj terapii balnicy pravincyi Kančanabury.
Raniej adździeł turystyčnaj palicyi Tajłanda ŭ pravincyi Kančanabury paviedamlaŭ u svaich akaŭntach u sacsietkach pra DTZ ź mikraaŭtobusam unutryhatelnych pieravozak na terytoryi adnaho z hatelaŭ, raźmieščanych pablizu nacyjanalnaha parku i vadaspadu Saj Jok, u jakim paciarpieli 11 čałaviek, udakładniajučy, što tyja ź ich, kamu spatrebiłasia stacyjanarnaja miedycynskaja dapamoha, byli dastaŭlenyja ŭ balnicu.
Rehijon nacyjanalnaha parku i vadaspadu Saj Jok zaŭsiody ŭvachodzić u prahramu ekskursii na hornuju raku Kvaj u pravincyi Kančanabury, papularnaj u turystaŭ. Bolšaść takich dvuch-trochdzionnych ekskursij adpraŭlajecca z kurortnaha horadu Pataja.
Kamientary