Na poŭdni Brazilii prajšoŭ mahutny tarnada, šmat achviar i razbureńniaŭ
7 listapada ŭviečary ŭ paŭdniovym brazilskim štacie Parana prajšoŭ mahutny tarnada. Pavodle źviestak miascovych uładaŭ, zahinuli jak minimum piać čałaviek, bolš za 130 čałaviek atrymali ranieńni, niekalki ź ich u ciažkim stanie ŭ balnicy, paviedamlaje CNN Brazil.
Mietearołahi tłumačać źjavu aktyvizacyjaj niebiaśpiečnaj vobłačnaj sistemy, viadomaj jak «supiersiel». U niekatorych rehijonach chutkaść vietru dasiahała 250 km/h, što adpaviadaje ŭzroŭniu F2—F3 pavodle škały Fudzity.
Mocnyja viatry paškodzili sotni žyłych damoŭ, škoły, kramy i elemienty infrastruktury. U mnohich rajonach spynienaje elektrazabieśpiačeńnie, pierakrytyja darohi i parušany ruch transpartu.
Dziaržaŭnyja čynoŭniki ŭ intervju miascovamu telebačańniu adznačyli, što paškodžańni jość prykładna na 80% terytoryi horada Rya-Banita-du-Ihuasu z nasielnictvam 14 tysiač čałaviek.
Ratavalnyja słužby i vajskoŭcy praciahvajuć razbor zavałaŭ i evakuacyju ludziej u biaśpiečnyja miescy. Ułady stvaryli kamisiju dla acenki škody i vyznačeńnia vydatkaŭ na adnaŭleńnie rehijonu.
Mietearołahi ciapier analizujuć pryčyny i nastupstvy tarnada, kab raspracavać zachady ŭ praduchileńni padobnych stychijnych biedstvaŭ u budučyni.
Ciapier čytajuć
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ4
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3434
Kamientary