Kot Łary z rezidencyi brytanskaha premjera zrobicca hałoŭnym hierojem dakumientalnaha sieryjała
Brytanski telekanał Channel 4 rychtuje dakumientalny sieryjał, pryśviečany lubovi žycharoŭ Vialikabrytanii da katoŭ. Hałoŭnym hierojem u im zrobicca znakamity kot Łary, jaki žyvie na Daŭninh-stryt, 10 — u łondanskaj rezidencyi premjer-ministra. Pra heta paviedamiła hazieta The Guardian.
Łary ŭžo daŭno staŭsia sapraŭdnym simvałam brytanskaj palityčnaj sceny — za 15 hadoŭ jaho słužby ŭ rezidencyi źmianilisia šeść kiraŭnikoŭ urada. Chutka jon moža navat pierasiahnuć pa praciahłaści słužby rekord Uiljama Pita Małodšaha, adnaho z vydatnych brytanskich palitykaŭ XVIII—XIX stahodździaŭ — toj kiravaŭ Vialikabrytanijaj ahułam kala 19 hadoŭ.
Kata Łary časta možna ŭbačyć u kadrach aficyjnych tranślacyj, a ŭ sacsietkach isnuje niekalki staronak, pryśviečanych jamu. Najbolš papularnaja maje ŭžo bolš za 868 tysiač padpisčykaŭ. Prychilniki z usiaho śvietu dasyłajuć Łary listy, padarunki i łasunki. Jon navat zhadvajecca ŭ knizie žurnalista i palitkansultanta Pitera Kordueła «Palityčnyja žyvioły».
Tradycyja trymać katoŭ u rezidencyi brytanskaha premjera biare pačatak jašče z XV stahodździa, a z 1929 hoda im byŭ nadadzieny aficyjny status i hadavy zarobak u 100 funtaŭ. Łary, jakoha ŭziali z prytułku, słužyć tam z 2011 hoda.
U XX stahodździ samym viadomym «katom premjer-ministra» byŭ Chamfry, jaki achoŭvaŭ rezidencyju ad hryzunoŭ pry Marharet Tetčer, Džonie Mejdžary i Toni Błery. Jon pamior u 2008 hodzie va ŭzroście kala 18 hadoŭ.
Kot Łary źbieh z rezidencyi na Daŭninh-stryt, kali tudy zajšoŭ Zialenski VIDEA
Sumny kot Łary, hałoŭny myšałoŭ urada Brytanii, vykazvaje staŭleńnie da źmieny haspadara na Daŭninh-stryt FOTAFAKT
Kot Łary, jaki žyvie ŭ rezidencyi premjera Brytanii, kateharyčna admoviŭsia iści na kantakt z Trampam FOTA
Jak vyhladaje hałoŭny kot Brytanii FOTAFAKT
Kot Łary praciahnie pracu ŭ rezidencyi brytanskich premjeraŭ paśla sychodu Kemierana FOTA
Kamientary