U Mazyry ŭ psichanarkadyspansiery adkryli placoŭku dla padletkaŭ: z upiskaj i turmoju
U Mazyrskim psichanarkadyspansiery ŭračysta adkryli niezvyčajnuju placoŭku dla prafiłaktyki narkotykaŭ siarod padletkaŭ. Tut buduć vučyć kazać narkotykam «nie».
Jak paviedamlaje kanał «HomielObłMiedicina», prastora padzielena na try tematyčnyja zony. U zonie «Upiska» stvoranaja «atmaśfiera, jakaja madeluje niebiaśpiečny volny čas, dzie možna prapracavać scenar admovy».
U zonie «Pravavyja nastupstvy» stvorany anturaž turemnaj kamiery, kab «nahladna pakazać adkaznaść».
Lekcyjnaja zała — «utulnaje miesca dla dyjałohu, pytańniaŭ i aśvietnickich filmaŭ».
Tut aformili stend z nahladnymi dapamožnikami — pakiecikami z paraškami, «zakładkami» i inšaj adpaviednaj atrybutykaj.
Antynarkatyčnaja placoŭka była stvorana pry finansavańni Mazyrskaha naftapierapracoŭčaha zavoda i UP «Paleśsie-Pramžyłbud». Aŭtaram i idejnym natchnialnikam afarmleńnia vystupiła zahadčyca dyspansiernym adździaleńniem Natalla Michied. Arhanizatary zapeŭnivajuć, što prastora zaklikana nie zapałochvać, a pahruzić i prymusić zadumacca.
-
Łukašenka na pieramovach u Amanie ŭstaviŭ takoje słova, što pierakładčyca na arabskuju razhubiłasia
-
U Lidzie pabralisia šlubam 15‑hadovyja chłopiec i dziaŭčyna. Samaj maładoj mamie Hrodzienščyny taksama 15
-
«U płanie byli jašče niekalki krain». Maršrut Łukašenki składali tak, kab nie nadta biła pa zdaroŭi
Ciapier čytajuć
Raptoŭna pamior Uładzimir Usier — niemałady aktyvist, jaki ŭlapaŭsia ŭ film BT i špijanaž u Polščy29
Kamientary