Pres-sakratar bielhijskaj AES Doel paviedamiŭ pra źjaŭleńnie pablizu elektrastancyi troch nieviadomych dronaŭ. Za apošnija tydni ŭ Bielhii nieadnarazova fiksavali padobnyja incydenty, piša DW.
U Bielhii nad atamnaj elektrastancyjaj Doel, raźmieščanaj niedaloka ad Antvierpiena, byli zaŭvažany try bieśpiłotniki. Pra heta ŭviečary ŭ niadzielu, 9 listapada, paviedamiŭ pres-sakratar enierhietyčnaj kampanii Engie — apieratara AES. Jon udakładniŭ, što incydent nie paŭpłyvaŭ na pracu elektrastancyi. Ułady byli prainfarmavanyja pra jaho.
Jak piša bielhijskaje navinavaje ahienctva Belga, raniej, uviečary 6 listapada, z-za zaŭvažanych pablizu dronaŭ była parušana praca aeraporta Brusiela i aeraporta Birset, raźmieščanaha niedaloka ad Lježa.
4 listapada ahienctva Belga pieradało, što miascovyja žychary zaŭvažyli nie mienš za šeść BPŁA kala avijabazy NATA Klajnie-Brohiel na paŭnočnym uschodzie Bielhii.
Uviečary hetaha dnia z-za paviedamleńniaŭ pra bieśpiłotniki było dvojčy prypyniena avijacyjnaje złučeńnie ŭ aeraporcie Brusiela. Pavodle źviestak ahienctva Belga, abmiežavańni byli taksama ŭviedzieny ŭ aeraporcie horada Ljež.
Za apošnija tydni ŭ Bielhii nieadnarazova fiksavali padobnyja incydenty.
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka8
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka
«Vyzvalali niemcaŭ ad fašyzmu, a sami zastavalisia ŭ tym ža dziarmie». Apublikavana treciaja častka ŭspaminaŭ Ryhora Biarozkina pra savieckija represii3434
Kamientary