«Litoŭskija ŭłady vyrašyli myškavać». Łukašenka zahadaŭ ździerci vialikija hrošy z kožnaha litoŭskaha hruzavika
1100 litoŭskich hruzavikoŭ nie vypuściać ź Biełarusi da adkryćcia Litvoj miažy.
Siońnia na pačatku narady pra płany na nastupnaje piacihodździe Alaksandr Łukašenka vyrašyŭ vykazacca pra situacyju z zakryćciom Litvoj miažy ź Biełaruśsiu.
«Jak zvyčajna, ad surjoznych miždziaržaŭnych prablem litoŭskija ŭłady vyrašyli myškavać i pasprabavać nas jašče raz abvinavacić i nachilić u hetych ci to šarykach, ci to jašče ŭ čymści.
My hatovyja da adkryćcia miažy daŭno. My jaje nie zakryvali», — skazaŭ jon.
Alaksandr Łukašenka zahadaŭ brać z kožnaha litoŭskaha hruzavika za stajanku 120 jeŭra za sutki. Kali hetyja hrošy nie buduć vypłačanyja, ciahačy i fury buduć kanfiskavanyja.
Pakidać terytoryju Biełarusi praz trecija krainy furam zabaroniena, pakul Litva trymaje miažu zakrytaj.
Pry hetym kiroŭcam hruzavikoŭ budzie dazvolena viarnucca ŭ Litvu.
«Buduć evakuiravać — chaj evakuirujuć. Heta nie našyja pytańni. I ŭvohule my, napeŭna, amal ničoha nie vozim praz hetuju miažu ŭ suviazi z sankcyjami. Tolki niejkija vidy tavaraŭ, jakija vielmi-vielmi patrebnyja tym ža litoŭcam ci palakam. Vielmi-vielmi patrebnyja — zakazali, my advieźli. Nie zakazali — my tudy nie viaziom. A z kazachami, rasijanami, kitajcami, inšymi krainami im [Litvie] daviadziecca vielmi surjozna nie prosta tłumačycca, a raźbiracca. Tamu što tak nichto nie robić», — skazaŭ jon.
«Pra ŭsio astatniaje my jašče pahavorym u najbližejšy čas na pieramovach z delehacyjaj Złučanych Štataŭ Amieryki. Adčuvaju, što bieź ich tut nie abyšłosia», — dadaŭ Alaksandr Łukašenka.
U Biełarusi zachraśli prykładna 1100 litoŭskich ciahačoŭ i paŭpryčepaŭ, Minsk zabaraniaje ich ruch pa krainie.
Litva vykazvała nadzieju, što punkt «Salečniki» («Bieniakoni»), niahledziačy na zakrytuju da 30 listapada miažu, časova budzie adkryty dla viartańnia litoŭskich furaŭ, ale Biełaruś admoviłasia heta rabić.
Punkty propusku na miažy byli zakrytyja Litvoju da 30 listapada ŭ adkaz na masavyja zaloty ź Biełarusi pavietranych šaroŭ z kantrabandaju. Praź ich uźnikała pahroza hramadzianskaj avijacyi, zakryvalisia aeraporty, byli zakranuty niekalki dziasiatkaŭ rehularnych rejsaŭ, paciarpieli niekalki dziasiatkaŭ tysiač pasažyraŭ. Vilnia ličyć heta hibrydnymi atakami, za jakimi stajać minskija ŭłady. Reč u tym, što vytvorčaść i handal tytuniovymi vyrabami ŭ Biełarusi całkam kantralujujecca dziaržavaj i niekalki biznesoŭcami, nabližanymi da siamji Alaksandra Łukašenki.
Mytny kamitet pryhraziŭ Litvie zachadami ŭ dačynieńni da hruzavikoŭ, što znachodziacca ŭ Biełarusi
MZS Biełarusi paviedamiŭ, kali adkryjecca miaža dla litoŭskich hruzavikoŭ
Litva moža całkam spynić pieravozki biełaruskich hruzaŭ čyhunkaju
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»
U minskim mietro prachodziać vyprabavańni novyja ciahniki FOTY3
U minskim mietro prachodziać vyprabavańni novyja ciahniki FOTY
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju2020
Kamientary
Iš, kakaja-to, diemokratičieskaja šiełupoń, v vidie Litvy, krošit kroški na druha Trampa.
Ostap riešił, čto tranzit čieriez Litvu u nieho v karmanie, on žie druh Trampa, poetomu možno doiť litovskich avtopierievozčikov.
Vsio, kak vsiehda....