Pamiatajecie kvatery, za prahlad jakich brali pa 7000 rubloŭ? Stała viadoma, za kolki ich kupili
Ceny na kvatery ŭ minskim elitnym ŽK «Paŭnočny bierah» ahučvali tolki paśla ŭniasieńnia zvarotnaha depazitu.
Kvatery ź vidam na vadajom
U bazie ździełak ź nieruchomaściu źjavilisia źviestki pra prodaž čatyroch kvater u domie numar 88 na vulicy Vitala Ćvirki, što ŭ elitnym ŽK «Paŭnočny bierah», zaŭvažyŭ telehram-kanał «Budni ryełtara. Minsk». Heta toj dom, dzie za prahlad apartamientaŭ brali pa 7000 rubloŭ zadatku.
Samaja tannaja i samaja mienšaja z pradadzienych kvater maje płošču 62,3 kvadratnaha mietra. Jak kupili amal za 319 tysiač dalaraŭ — heta pa 5118 dalaraŭ za kvadratny mietr.
Kvatera płoščaj 79 kvadratnych mietraŭ stała samaj darahoj — jaje pradajuć za 450 tysiač dalaraŭ, što składaje 5692 dalary za kvadratny mietr.
Što tam takoha, što kvadrat kaštuje bolš za 5 tysiač dalaraŭ?
Zabudoŭščyk nazyvaje «Paŭnočny bierah» pryncypova novym pohladam na žyły kompleks u sercy stalicy, raźmieščany na bierazie raki i akružany pryrodaj.
Dom Lake Views, u jakim pradali minimum čatyry kvatery, adnosiać da katehoryi ultrapremium, a sami kvatery nazyvajuć kalekcyjnymi. Znachodzicca jon na pieršaj bierahavoj linii Cnianskaha vadaschovišča.
Ahułam pa płanach zabudoŭščyka ŭ kvartale budzie pražyvać da 130 tysiač čałaviek.
Ci heta samaje darahoje žytło ŭ Minsku?
Niahledziačy na vysoki košt kvadratnaha mietra, u stalicy jość i bolš darahaja nieruchomaść. Tak, naprykład, u kvartale «Depo» kala płoščy Pieramohi jość kvatery i pa 6700 dalaraŭ za kvadrat.
Što da siaredniaj cany na kvadrat, to heta 1942 dalary pa prapanovach.
Raptoŭna pamior Uładzimir Usier — niemałady aktyvist, jaki ŭlapaŭsia ŭ film BT i špijanaž u Polščy29
Kamientary
A voś antrapahiennaja nahruzka na Cnianku jašče bolš vyrasła, a ŭ budučym vyraście značna bolej.
I admianić hetyja płany na hety zvyšščylny rajon užo nie atrymajecca. Mała chto razumieŭ i kazaŭ pra toje, što heta čarhovaja katastrofa dla Minska, typa Majaka Minska, Minsk-Mira.