Biełarus na adpačynku ŭ AAE trapiŭ u balnicu. Strachavyja kampanii płacić admovilisia
Sud Pieršamajskaha rajona Minska pastaviŭ kropku ŭ sprečcy pamiž turystam i dvuma strachavymi kampanijami — «Biełnieftiestrach» i «Biełdziaržstrach». Biełarus damohsia kampiensacyi za lačeńnie padčas pajezdki ŭ AAE, piša Onliner.by.
Mužčyna źbiraŭsia na adpačynak u AAE i nabyŭ dźvie strachoŭki — u «Biełnaftastrach» i «Biełdziaržstrach». Kožnaja damova praduhledžvała strachavuju sumu $30 000.
Padčas adpačynku mužčyna adčuŭ rezki bol u žyvacie i tachikardyju. U balnicy jamu pastavili papiaredni dyjahnaz — vostry niekrytyčny pankreatyt. Praź piać hadzin stan rezka pahoršyŭsia, pacyjenta intubavali. Paśla vypiski jon padpisaŭ abaviazacielstva ab apłacie lačeńnia: 255 873 dyrchamy (kala $70 000). Akramia hetaha, mužčyna zapłaciŭ balnicy amal $5 tysiač.
Kali turyst źviarnuŭsia pa vypłatu da strachoŭščykaŭ, jon atrymaŭ admovu. Mužčyna prasiŭ sud spahnać z kožnaj kampanii pa 27 753,52 dołara na rachunak balnicy ŭ AAE, pa 2246,47 dołara dla kampiensacyi vydatkaŭ, pa 10 000 rubloŭ kampiensacyi maralnaj škody, a taksama sudovyja vydatki — 2995 rubloŭ.
Strachavyja kampanii iskavyja patrabavańni nie pryznali. Na ich dumku, zachvorvańnie źviazana z užyvańniem ałkaholu, a značyć, vypadak nie strachavy. Taksama zhadali mahčymuju chraničnuju pryrodu chvaroby, što źmianšaje abjom strachavoha ŭznaharodžańnia.
Sud pryznačyŭ ekśpiertyzu. Jana nie vyjaviła suviazi pamiž mahčymym užyvańniem ałkaholu i zachvorvańniem. Taksama nie było dakazana, što chvaroba była chraničnaj. Tamu sud pryznaŭ admovu strachoŭščykaŭ nieabhruntavanaj.
Sud zadavoliŭ patrabavańni turysta, ale istotna źmienšyŭ sumu kampiensacyi maralnaj škody. U vyniku kožnaja strachavaja kampanija abaviazana vypłacić:
- $27 753,52 — na rachunak balnicy ŭ AAE;
- $2 246,47 pa kursie — kampiensacyja vydatkaŭ;
- 500 rubloŭ — kampiensacyja maralnaj škody;
- 1497,50 rubla — sudovyja vydatki;
- 5339,25 rubla — dziaržpošlina ŭ dachod dziaržavy.
Rašeńnie nie było abskardžana i ŭstupiła ŭ zakonnuju siłu.
Raptoŭna pamior Uładzimir Usier — niemałady aktyvist, jaki ŭlapaŭsia ŭ film BT i špijanaž u Polščy29
Kamientary