Chrestamatyjny vierš dla dziaciej ad Janki Kupały vyjšaŭ knižkaj-kardonkaj
Vydaviectva «Vilma» vypuściła knihu dla dziaciej. Kalarovaja knižka-kardonka dla samych maleńkich źmiaščaje vierš-zabaŭlanku «Baj» aŭtarstva kłasika biełaruskaj litaratury Janki Kupały, piša bellit.info.
Vierš-pieśnia pra Baja — heta aŭtarskaja apracoŭka trydycyjnaj narodnaj zabaŭlanki dla dziaciej. Ilustracyi namalavała Uljana Naŭrockaja, mastackaja redaktarka — Hanna Ščuko.
«Zabaŭlanka — užo napaŭzabyty žanr dziciačaha falkloru, — tłumačać u vydaviectvie, — Ale darma, bo jon vielmi lohka ŭsprymajecca maleńkimi dziećmi praz svaju rytmičnuju formu, miełodyku i prosty siužet. Adpaviedna spryjaje raźvićciu maŭleńnia, słychu i fantazii. A «Baj» jašče i paznajomić dzietak ź biełaruskaj tradycyjaj u viasiołaj i dastupnaj formie».
Kniha stvoranaja dla sumiesnaha siamiejnaha čytańnia z samymi maleńkimi.
- Biehaŭ baj pa ścianie
- U čyrvonym kaftanie.
- Bajku baiŭ. Aj, lu-li!
- Žyli pčołki u vulli…
- Baić ci nie?
- — Baić!
Knihu možna nabyć praz sajt Kniger.by, a taksama ŭ kramie ŭ HC «Kupałaŭski» pad Kastryčnickaj płoščaj (ralety 41-42, čas pracy z pn pa pt z 11 da 18.30, sb z 11 da 17, ndz z 11 da 16).
Ciapier čytajuć
U minskim mietro prachodziać vyprabavańni novyja ciahniki FOTY3
U minskim mietro prachodziać vyprabavańni novyja ciahniki FOTY
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju2020
Kamientary