Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu
Maksim Šukanaŭ atrymaŭ 4 hady kałonii, jaho baćka taksama za kratami. Asudzili i jaho niaviestu, a ciapier jaje raskručvajuć pavodle novaha artykułu.
36‑hadovy mazyrski błohier Maksim Šukanaŭ mieŭ bolš za 6000 padpisčykaŭ u jutubie na kanale Union Bell. Chłopiec analizavaŭ palityčnyja pracesy, raskazvaŭ praŭdu pra vajnu Rasii i Ukrainy. Časam hetyja roliki nabirali dziasiatki tysiač prahladaŭ.
@gomelnovosti33 Posadili parnia iz Mozyria, kotoryj tri hoda priatałsia. Na jeho śled vyšli, kohda on pobyvał u vrača #mozyŕ #mozyŕbiełaruś #homielskajaobłasť #biełaruś #biełorusy ♬ original sound - Basem khaled متخصص بشره
Navat paśla taho, jak represii ŭzmacnilisia, Maksim nie vyjazdžaŭ z krainy. Razam sa svajoj niaviestaj Palinaj Zyl — jana taksama błohierka — chłopiec pierajšoŭ na padpolnaje stanovišča.
Para paźbiahała kantaktaŭ ź biełaruskaj dziaržavaj, adnak u lutym 2025 hoda ŭrešcie daviałosia źviarnucca da miedykaŭ — bo ŭ Maksima abvastrylisia prablemy sa zdaroŭjem na fonie aryštu baćki, rabotnika Mazyrskaha NPZ Ihara Šukanava.
Kali čałaviek, jaki ŭ vyšuku, źviartajecca z pašpartam pa miedycynskuju dapamohu, milicyja atrymlivaje pra heta sihnał. Chutčej za ŭsio, tak adbyłosia i ŭ vypadku błohiera.
Situacyja była ŭdvaja dramatyčnaja, bo paciahnuła za saboj i aryšt Paliny Zyl, i inšyja nastupstvy, jakija možna nazvać katastrafičnymi.
Pavodle infarmacyi «Našaj Nivy», niadaŭna Maksima Šukanava asudzili pa cełym pakiecie palityčnych artykułaŭ, ahulnaje pakarańnie — 4 hady kałonii.
Jahony baćka taksama atrymaŭ termin u kałonii. Palinie Zyl prysudzili hod kałonii za ŭdzieł u pratestach, adnak ciapier jana znoŭ u SIZA pavodle inšaha abvinavačańnia.
Što Babaryka i Kaleśnikava adkazali na pytańni pra vajnu97
Kamientary
Nu, dy ładna ty j tvaje kulinarnyja natatki, što z našaha bieła-ruskaha ciesta nie śpiačeš litoŭskaha karavaju. A voś jakoha ChYZ šanoŭnyja Redy hetaje prynižajučaje nacyjanalnuju hodnaść tryźnieńnie štodzionna vyčytvajuć dy publikujuć? Zahadka cikaviejšaja za źniknieńnie 12 załatych apostałaŭ ci skarb Napaleona. Pa temie artykuła ŭ kamientary litoŭskaj haspadyni ani słova. Rekamiendacyi pa kamientavańni, mabyć, dla šlachty nie pracujuć? Adpravić jasnavialmožnaha bałbatuna ŭ Antarktydu budavać dziaržavu litvinoŭ.