Pa darozie ŭ Minsk pad Dziaržynskam učora ŭtvarylisia vialikija zatory
U tyktoku apublikavali rolik, u jakim pakazali vielizarnyja zatory ź dziasiatkaŭ mašyn u Dziaržynskim rajonie. Aŭto jechali ŭ Minsk 9 listapada, paśla doŭhich vychodnych u krainie. Uźnikła šmat viersij, čamu tak adbyłosia, piša «Smartpres».
«9 listapada, viartańnie ŭ Minsk paśla 3 vychodnych zapar», — padpisała videa jahonaja aŭtarka.
Adkul uźnikli zatory, kamientatary vykazvali svaje viersii.
«Jaskravy prykład, jak žychary Minska reahujuć na vialikija śviaty. Heta narmalna. Pa vioskach, da dziadoŭ…» — napisała adna kamientatarka pad rolikam.
«Karennyja minčuki viartajucca», — pažartavała inšaja.
Anałahičnych kamientaroŭ było niamała.
Byli i inšyja viersii ŭtvareńnia takoha vielizarnaha zatoru.
«Kali nie pamylajusia, tam niešta z mostam, praz heta ruch pierakryli, bałazie, ja abjechaŭ usio heta praź vioski», — skazaŭ kamientatar.
Jašče adzin karystalnik tyktoku paviedamiŭ takuju ž infarmacyju:
«Dyk tam most paškodžany, viadoma, zatory. My z taho ž rajona viartajemsia praz druhi MKAD, i zatoraŭ nie było».
«U 20:00 było bolš», — dadaŭ inšy karystalnik.
Darečy, 6 listapada milicyja jakraz paviedamlała, što pad Minskam paškodžany puciepravod. Mašyna Volvo i paŭpryčep pry pieravozcy ekskavatara nie ŭličyli habaryty transpartu i paškodzili 5 belek pralotnaha sčapleńnia.
Adnak ciažka dakładna skazać, ci stała heta zdareńnie pryčynaj zatoraŭ 9 listapada.
Ciapier čytajuć
«Kali mnie prylacić, ja hatovaja». Nasta Rahatko — pra seks-scenu ŭ svajoj knizie, prarasijskich svajakoŭ, Hajun i Matolku51
Kamientary