10 listapada ŭ turmie El Ora, što ŭ horadzie Mačała (Ekvador), znajšli cieły 27 paviešanych źniavolenych. Pra heta paviedamlaje Bi-bi-si sa spasyłkaj na ekvadorskuju turemnuju słužbu (SNAI).
Pierad hetym u turmie adbylisia masavyja biesparadki, u vyniku jakich zahinuli čaćviora viaźniaŭ, a bolš za 30 atrymali ranieńni. Pavodle aficyjnaj viersii, viaźni «zadušyli adzin adnaho», što pryviało da imhniennaj śmierci, adnak ułady nie ŭdakładnili padrabiaznaściaŭ.
Biesparadki pačalisia kala treciaj hadziny nočy 9 listapada. Pryčynaj staŭ pratest źniavolenych suprać pieramiaščeńnia ich u novuju turmu strohaha režymu ŭ inšaj pravincyi. Jak paviedamlajecca, im udałosia pieramahčy achovu, zachapić zbroju i zrabić samarobnyja vybuchovyja prystasavańni. U vyniku situacyju ŭdałosia ŭziać pad kantrol, ale biez achviar nie abyšłosia.
Miesiac tamu ŭ hetaj ža samaj turmie zahinuli 14 viaźniaŭ padčas sutyčak pamiž kryminalnymi hrupoŭkami. Uvohule, jak paviedamlaje El Mundo, z 2021 hoda ŭ ekvadorskich turmach zahinuli kala 600 čałaviek — pieravažna praz razborki pamiž bandami.
Miascovyja žychary i svajaki viaźniaŭ patrabujuć ad uładaŭ uzmacnieńnia biaśpieki i pieranosu turmy El Ora, bo jana mieścicca ŭ samym centry horada Mačała.
U vieraśni ZŠA pryznali dźvie najbujniejšyja ekvadorskija złačynnyja hrupoŭki — «Łos Łobas» i «Łos Čaneras» — terarystyčnymi arhanizacyjami.
«Nivodnaja kraina ŭ XXI stahodździ nie zmoža dasiahnuć siaredniaj praciahłaści žyćcia ŭ 100 hadoŭ»
«Praz pakaleńnie ŭ Afrycy budzie naradžacca pałova ŭsich dziaciej śvietu». Čamu Paŭdniovaja Kareja vymiraje i čym cikavy prykład Izraila
ZŠA adpravili da Vieniesueły najbujniejšy avijanosiec, Madura abvinavaciŭ Vašynhton u eskałacyi
Śmiarotnaść siarod moładzi Uschodniaj Jeŭropy raście nasupierak suśvietnym tendencyjam
Ciapier čytajuć
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy1616
Kamientary