Bolšaść indyjskich naftapierapracoŭčych zavodaŭ admoviłasia ad novych zakupak rasijskaj nafty
Piać najbujniejšych indyjskich naftapierapracoŭčych zavodaŭ nie stali zakuplać rasijskuju naftu dla pastavak u śniežni. Na hetyja piać NPZ u hetym hodzie prychodziłasia dźvie traciny ŭsich zakupak rasijskaj nafty Indyjaj. Pra heta paviedamlaje Bloomberg.
Indyja rezka skaračaje zakupki rasijskaj nafty na śniežań. Bolšaść bujnych indyjskich naftapierapracoŭčych kampanij spynili zakupki rasijskaj nafty dla pastavak u śniežni. Hety zruch u handlovych schiemach treciaha pa vieličyni imparciora nafty ŭ śviecie śviedčyć pra mocny ŭpłyŭ zachodnich sankcyj i handlovych pieramoŭ z ZŠA.
Piać najbujniejšych indyjskich naftapierapracoŭščykaŭ, na dolu jakich prypadała dźvie traciny impartu rasijskaj nafty ŭ Indyju sioleta, nie raźmiaścili nijakich zakazaŭ na śniežań. Zvyčajna ździełki na nastupny miesiac zakryvajucca da 10‑ha čysła biahučaha.
Źmiena adbyłasia paśla taho, jak prezident ZŠA Donald Tramp u žniŭni padvoiŭ pošliny na ŭvieś indyjski impart da 50%, a ŭ kastryčniku ŭvioŭ sankcyi suprać dvuch najbujniejšych rasijskich vytvorcaŭ nafty — «Rasnafty» i «Łukojła».
Indyja, jakaja ŭsio jašče atrymlivaje 36% impartu nafty z Rasii, vymušana šukać alternatyvy. Kampanii ŭžo pačali aktyŭna zakuplać naftu ŭ ZŠA, krainach Łacinskaj Amieryki i Piersidskaha zaliva.
-
Mjanma vyjšła ŭ suśvietnyja lidary pa vytvorčaści mietamfietaminu i opiumu
-
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju
-
Zialenski: Mirny płan ZŠA skaracili z 28 da 20 punktaŭ, ale ŭ Trampa ŭłasnaje bačańnie
Ciapier čytajuć
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy1919
Kamientary