Siłaviki pryjšli ŭ minski ofis «Pieršaj akumulatarnaj kampanii»
U minskim ofisie «Pieršaj akumulatarnaj kampanii», jakaja ŭvachodzić u chołdynh 1AK-Group, 12 listapada, vierahodna, prajšli pieratrusy. Jak paviedamiła «Lusterku» infarmavanaja krynica, kala dziasiataj hadziny ranicy ŭ ofis pryjšli siłaviki — u bałakłavach i sa zbrojaj.
Siłaviki kanfiskavali telefony i dakumienty, a taksama zatrymali dvuch mieniedžaraŭ: adnaho niepasredna na pracoŭnym miescy, druhoha — pa darozie, spyniŭšy jaho aŭtamabil. Pryčyny pieratrusaŭ pakul nieviadomyja.
Chołdynh 1AK-Group kirujecca biznesmienam Viktaram Lemiašeŭskim, viadomym pa historyi z budaŭnictvam akumulatarnaha zavoda pad Brestam. Častku hetaha pradpryjemstva paźniej atrymaŭ kolišni kiraŭnik Fiederacyi chakieja, a ciapier sienatar Dźmitryj Baskaŭ, blizki da Alaksandra Łukašenki.
Pavodle krynicy «Lusterka», samoha Lemiašeŭskaha nie zatrymlivali. Žurnalisty sprabavali atrymać kamientar u ofisach 1AK-Group i źviazanych kampanij u Minsku, Breście, Pinsku i Biełaaziorsku, ale nichto nie adkazaŭ na telefonnyja zvanki.
Ciapier čytajuć
U minskim mietro prachodziać vyprabavańni novyja ciahniki FOTY2
U minskim mietro prachodziać vyprabavańni novyja ciahniki FOTY
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1919
Kamientary