Pieršy namieśnik ministra zamiežnych spraŭ Ukrainy Siarhiej Kiślica ŭ intervju The Times adznačyŭ, što, «pakolki mirnyja pieramovy z Rasijaj sioleta zaviaršylisia biez asablivaha prahresu, ich spynili».
«Va ŭmovach dyktatury niemahčyma vieści plonnyja dyskusii ź pieramoŭnymi hrupami, jakija pradstaŭlajuć dyktatara. U ich vielmi žorstki mandat, i jany pavinny adstojvać tuju pazicyju, jakuju im zahadali», — zajaviŭ Kiślica, majučy na ŭvazie sioletni pieramoŭny praces ukrainskaj i rasijskaj delehacyj u Stambule.
Pieramovy ŭ Stambule prachodzili ŭ try etapy — u mai, červieni i lipieni. Ukrainski bok nastojvaŭ na biezumoŭnym spynieńni ahniu i prypynieńni ŭdaraŭ pa cyvilnaj infrastruktury. Rasijskaja delehacyja pad kiraŭnictvam pamočnika Pucina Uładzimira Miadzinskaha faktyčna, adnak, admoviłasia ad pieramirja. Maskva vystaviła ad pačatku nierealistyčnyja patrabavańni pryznać anieksavanyja terytoryi Ukrainy rasijskimi i abmiežavać kolkaść Uzbrojenych sił Ukrainy.
Kiślica ŭ intervju taksama adznačyŭ, što ź leta 2025 hoda Kijeŭ aktyŭna pracavaŭ ź mižnarodnymi partniorami, kab pavialičyć cisk na prezidenta Rasii Uładzimira Pucina i damahčysia jaho asabistaj sustrečy z prezidentam Ukrainy Uładzimiram Zialenskim.
Pry hetym jon adznačyŭ, što rasijanie prapanoŭvali, siarod inšaha, «supołki ŭ WhatsApp» i inšyja farmalnyja miechanizmy, jakija zaklikany nie realna vyrašać sutnaść pytańniaŭ, a tolki pakazvać ZŠA, što pieramovy iduć paśpiachova i sankcyi suprać Rasii nie patrebnyja.
Paśla intervju Kiślicy ŭ MZS Rasii zajavili, što, maŭlaŭ, hatovyja adnavić pieramovy ŭ Turcyi, padkreśliŭšy, što ich prypynieńnie inicyjavana Kijevam. Tureckija pradstaŭniki nieadnarazova zaklikali abodva baki adnavić pieramovy, i, pa słovach kiraŭnika druhoha departamienta krain SND MZS RF Alaksieja Pališčuka, «miač ciapier na baku Ukrainy».
Pališčuk taksama adznačyŭ, što padčas stambulskich sustreč udałosia damovicca pra humanitarnyja pytańni: abmien vajennaplennymi, repatryjacyju ciełaŭ zahinułych, viartańnie hramadzianskich asob. Ale ŭ pytańni stvareńnia «troch pracoŭnych hrup stambulskaha pracesu» adkaz Ukrainy pakul nie atrymali.
The Times adznačaje, što Siarhiej Kiślica, pa daručeńni prezidenta Ukrainy, kaardynuje mirny praces z udziełam Rasii, ZŠA i sajuźnikaŭ pa NATA.
Sakretny kanał abmienu pałonnymi pamiž Rasijaj i Ukrainaj. Nieviadomyja raniej detali apieracyi
Amierykanskaja raźviedka: Pucin jak nikoli raniej ćviordy ŭ namiery praciahvać vajnu
Zialenski: Hatovyja vieści pieramovy dzie zaŭhodna, tolki nie ŭ Rasii i dakładna nie ŭ Biełarusi
Tramp skazaŭ, što nie choča marnaj sustrečy paśla taho, jak płan pieramovaŭ z Pucinym byŭ adkładzieny
U minskim mietro prachodziać vyprabavańni novyja ciahniki FOTY2
U minskim mietro prachodziać vyprabavańni novyja ciahniki FOTY
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1919
Kamientary