Košt vytvorčaści płastykavaj upakoŭki źbirajucca pavialičyć u dva razy
U dziaržaŭnaj ustanovie «Apieratar druhasnych materyjalnych resursaŭ» ličać, što heta moža stać efiektyŭnym sposabam baraćby z prablemaj nazapašvańnia płastyku, piša ahienctva «Minsk-Naviny».
Śviatłana Mackievič, hałoŭnaja śpiecyjalistka ŭstanovy pa infarmacyjnaj rabocie, tłumačyć, što meta płanavanaha novaŭviadzieńnia — zrabić vytvorčaść upakoŭki, jakaja ciažka ci ŭvohule nie pierapracoŭvajecca, ekanamična niavyhadnaj dla kampanij.
Taksama prapanujecca skasavać peŭnyja lhoty dla tavaraŭ, zapakavanych u składanuju i ekałahična niebiaśpiečnuju taru. Naprykład, zamiest prazrystaha płastyku dla jajek možna vykarystoŭvać kardon, a dla małaka, fruktovych piure i adnarazovych kubkaŭ — alternatyvy kštałtu tetrapaku, bo pierapracoŭka šmatsłojnaj tary vielmi składanaja i darahaja.
Śpiecyjalistka adznačyła, što stymulavać ekałahična pravilny vybar treba na ŭsim łancuhu — ad vytvorcy i pastaŭščyka da rytejlera i spažyŭca.
Pa statystycy, 30-50% śmiećcia čałavieka składaje mienavita šmatsłojnaja ŭpakoŭka. Jaje žyćciovy cykł — niekalki chvilin, ale prablemy jana stvaraje na stahodździ, bo płastyk raskładajecca da 500 hadoŭ.
Śviatłana Mackievič taksama padkreśliła: štohod u śviecie vyrablajuć bolš za 460 miljonaŭ ton płastyku, abo kala 56 kiłahramaŭ na kožnaha žychara Ziamli. Ahulnaja masa płastyku ŭžo kala 8 hihaton, što pieravyšaje masu ŭsich žyvych istot (4 hihatony). Druhasnaja pierapracoŭka moža dapamahčy, ale biada ŭ tym, što pierapracoŭvajecca tolki 10-20% materyjału.
U Biełarusi kolkaść palimieraŭ u kamunalnych adkidach składaje kala 418 tysiač ton štohod, ź jakich tolki 273 tysiač ton možna viarnuć u vytvorčaść. Astatniaje pierapracavać składana abo niemahčyma.
Pad Minskam pačaŭ pracavać śmiećciepierapracoŭčy zavod
Zaraz u Minsku śmiećcie treba vykidać pa-novamu
Nakolki my ad ich adstajom: jak Kapienhahien pieratvarajecca ŭ horad biez vykidaŭ i jak kapienhahiency inakš arhanizujuć svajo žyćcio
Zamiest troch — adzin. U Minsku chočuć spraścić sistemu raździelnaha zboru bytavoha śmiećcia
Nasić na Radaŭnicu na mohiłki płastykavyja kvietki nie varta. A čym ich možna zamianić?
Mikrapłastyk moža traplać u mozh i vyklikać źmieny ŭ pavodzinach — novaje daśledavańnie
Ciapier čytajuć
«Ja taja samaja ŭ futry». Maładaja švačka pracavała ŭ futry, pakul dziaržTB raskazvała, što na fabrycy ŭ Žłobinie nie choładna5
Kamientary
U nas, po-druhomu nie byvajet.
Ili płastik, iz kotoroho kitajcy proizvodiat iskusstviennyje ćviety. Zaprietiť!