«Abrezanaja škarpetka za 230 dalaraŭ». U sietcy padniali na śmiech navinku ad Apple — čachoł-sumku
Kampaniju Apple raskrytykavali i vyśmiejali ŭ internecie. Pryčyna — abvieščanaja cana na jaje novy pradukt, iPhone Pocket, jaki budzie kaštavać 230 dalaraŭ — choć heta nie novy hadžet, a ŭsiaho tolki čachoł-sumka, to-bok novy sposab nasić ajfon, piša Bi-bi-si.
Adny karystalniki sacsietak padvierhli krytycy zanadta vysoki, na ich dumku, košt navinki, a inšyja adznačyli dzivosnaje padabienstva sa škarpetkaj — tolki, jak vykazaŭsia adzin z karystalnikaŭ X, heta «abrezanaja škarpetka za 230 dalaraŭ».
U pres-relizie Apple paviedamiła, što novy aksiesuar — častka limitavanaj sieryi, stvoranaj u supracoŭnictvie ź japonskim modnym brendam Issey Miyake.
Japonski madeljer i dyzajnier Issej Mijakie, jaki pamior u 2022 hodzie, raniej užo supracoŭničaŭ z Apple. Mienavita jon stvaryŭ čornyja vadałazki, jakija lubiŭ nasić suzasnavalnik kampanii Styŭ Džobs.
Jak patłumačyła Apple, iPhone Pocket byŭ natchniony «kusočkam tkaniny», a jaho kancepcyja ŭźnikła z «idei stvareńnia dadatkovaj kišeni». «Kišeniu» ad Apple buduć vyrablać u dvuch vidach — karotkija (vaśmi koleraŭ) i doŭhija (troch koleraŭ).
«Miežy łajalnaści»
Anons novaha praduktu vyklikaŭ krytyku ŭ sacsietkach. Mnohija ŭbačyli ŭ im paćviardžeńnie mierkavańnia, što prychilniki Apple hatovyja «płacić za što zaŭhodna».
Najbolš pytańniaŭ vyklikała kanstrukcyja čachła — adsutnaść zaščapki i miakki materyjał. Na dumku adnaho z karystalnikaŭ X, z ulikam papularnaści iPhone u złodziejaŭ-kišeńnikaŭ nasić telefon u takoj «kišeni» moža być niebiaśpiečna.
Niezvyčajnaja forma čachła-sumki i jaje jarkija kolery nahadali asobnym žartaŭnikam jarka-zialony kupalny kaścium-mankini Borata — vydumanaha piersanaža akciora Sašy Barona Koena.
Ale znajšlisia i tyja, chto paličyŭ, što cana Pocket moža być abumoŭlena kałabaracyjaj kampanii z brendam Issey Miyake, jakaja «addaje daninu historyi Apple».
Kansultant i analityk sacmiedyja Met Navara skazaŭ Bi-bi-si, što cana, vidać, zaležyć nie stolki ad «funkcyjanalnaści» aksiesuara, kolki ad jaho «formy, brendu i ekskluziŭnaści».
«Taki cenavy padychod — nie navina ŭ śviecie raskošy abo kałabaracyj dyzajnieraŭ, — ličyć jon. — Ale ŭ bolšaści spažyŭcoŭ stvarajecca ŭražańnie, što Apple prosta testuje miežy łajalnaści da brendu».
Ciapier čytajuć
U minskim mietro prachodziać vyprabavańni novyja ciahniki FOTY1
U minskim mietro prachodziać vyprabavańni novyja ciahniki FOTY
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1919
Kamientary
jak pryhoža hučyć)) mašeńniki markietynhavyja pa prostamu.
Jon " vadałazku" Džobsie nainkluzivił))) 50 hod tamu " Paleśsie tykstyl" za padobny košt furu b nabył