Biełaruś pahražaje štrafami kiroŭcam, jakija nie pierahnali litoŭskija fury na stajanki
Mytniki i MUS šukajuć kiroŭcaŭ 220 litoŭskich hruzavikoŭ, jakija nie vykanali patrabavańnie adnosna dastaŭki mašyn na stajanki. Im pahražajuć štrafami.
Dziaržaŭny mytny kamitet paviedamiŭ, što litoŭskija fury, jakija zastalisia na terytoryi Biełarusi i vyjezd jakim u Litvu zabaronieny z 9 listapada da adkryćcia litoŭskim bokam miažy ź Biełaruśsiu, raźmieščany na śpiecyjalnych placoŭkach:
«Bierastavica» — 429 hruzavikoŭ;
«Bieniakoni» — 166;
«Katłoŭka» — 348;
«Kamienny Łoh» — 102.
Kiroŭcy hetych 1045 fur mohuć pakinuć terytoryju Biełarusi.
Jašče pa bolš čym 220 litoŭskich furach, 140 ź jakich znachodziacca na abočynach daroh pablizu punktaŭ propusku, DMK i MUS pravodziać rabotu pa pošuku kiroŭcaŭ i zabieśpiačeńni dastaŭki hruzavikoŭ na abstalavanyja stajanki.
U dačynieńni da kiroŭcaŭ litoŭskich pieravozčykaŭ, jakija nie vykonvajuć patrabavańnie, buduć prymienieny miery administracyjnaha spahnańnia ŭ maksimalnym pamiery (art. 24.3 KoAP Respubliki Biełaruś, da 100 bazavych vieličyń).
Ciapier čytajuć
Biełaruski čynoŭnik zahavaryŭ pa-biełarusku, čym vielmi ździviŭ i paradavaŭ ludziej4
Kamientary