Zialenski raskazaŭ, jak paloty nieviadomych dronaŭ u krainach ES adbivajucca na vajnie va Ukrainie
Prezident Ukrainy Uładzimir Zialenski ŭ intervju Bloomberg zajaviŭ, što ŭvarvańni dronaŭ i źniščalnikaŭ u pavietranuju prastoru ES — heta metanakiravanaja kampanija Uładzimira Pucina pa zapałochvańni Jeŭropy.
Praz heta, pa słovach Zialenskaha, jeŭrapiejskija lidary stali mienš achvotna adpraŭlać sistemy supraćpavietranaj abarony Ukrainie.
«Ja dumaju, jon napałochaŭ ich, heta była jaho meta, i jon jaje dasiahnuŭ, — skazaŭ prezident Ukrainy. — Heta, biez sumnievu, byŭ psichałahičny cisk».
Z pačatku vosieni ŭ pavietranaj prastory jeŭrapiejskich krain źjaŭlajucca nieviadomyja drony, z-za jakich navat spyniajuć pracu aeraporty.
U intervju Zialenski taksama paviedamiŭ, što Ukraina pačała vytvorčaść bieśpiłotnikaŭ sumiesna z ZŠA, i što Kijevu nieabchodna finansavaja padtrymka ad sajuźnikaŭ za košt zamarožanych rasijskich aktyvaŭ. Ale Jeŭropa pakul nie moža pryjści da kansensusu pa hetym pytańni.
Ciapier čytajuć
«Kali mnie prylacić, ja hatovaja». Nasta Rahatko — pra seks-scenu ŭ svajoj knizie, prarasijskich svajakoŭ, Hajun i Matolku32
Kamientary