Dyrektar spartškoły ŭ Śvietłahorsku kraŭ hrošy ź biudžetu i zabraŭ stypiendyju ŭ spartsmienki
Prakuratura Homielskaj vobłaści nakiravała ŭ sud spravu suprać byłoha dyrektara dziciača-junackaj spartyŭnaj škoły Śvietłahorskaha rajona. Jaho vinavaciać u złačynstvach, ździejśnienych da 2020 hoda.
Śledstva śćviardžaje, što na praciahu adzinaccaci hadoŭ kiraŭnik vykarystoŭvaŭ prostuju, ale dziejsnuju schiemu: fiktyŭna pracaŭładkoŭvaŭ ludziej na pasady trenieraŭ pa tchekvando, a sam zabiraŭ hrošy ź ich kartak.
Pavodle prakuratury, z 2009 pa 2020 hod były kiraŭnik pakłaŭ sabie ŭ kišeniu bolš za 126 tysiač rubloŭ. Ahulny ž uron ustanovie, z ulikam nieabhruntavanych vypłat u fond sacabarony, pieravysiŭ 200 tysiač rubloŭ.
Akramia taho, u 2017 hodzie, znachodziačysia ŭ niećviarozym stanie, dyrektar zabraŭ kanviert sa stypiendyjaj u spartsmienki, jakaja atrymała jaje za vysokija dasiahnieńni, i zabraŭ adtul bolš za 1,3 tysiačy rubloŭ, śćviardžaje pres-słužba viedamstva.
Čamu heta stała viadoma tolki ciapier, nie paviedamlajecca.
Abvinavačany škodu nie pakryŭ, i zastajecca pad vartaj, piša prakuratura.
Ciapier čytajuć
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ4
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3434
Kamientary