Što budzie žycharu Homielščyny, jaki zabiŭ svaju 9‑hadovuju siastru? Absalutna ničoha
Zabojstva adbyłosia 34 hady tamu, ale havorka navat nie pra terminy daŭniny.
Śledčyja zajavili, što raskryli zabojstva 9‑hadovaj dziaŭčynki, čyj trup znajšli ŭ listapadzie 1991 hoda na pustcy ŭ adnym z rajonnych centraŭ Homielščyny.
Vyśvietliłasia, što jaje zabiŭ rodny brat, jakomu na toj momant było 11 hadoŭ. Za niekalki dzion da trahiedyi jon skraŭ z terytoryi škoły rovar. Siastra heta ŭbačyła i pryhraziła raskazać baćku.
Viartajučysia dadomu paśla ŭrokaŭ, chłopčyk pavaliŭ dziaŭčynku na ziamlu i zadušyŭ. Zatym adnios cieła na pustku, źniaŭ usio adzieńnie i zamaskiravaŭ suchoj travoj.
Ciapier zabojcu ŭžo 45 hadoŭ, u svoj čas jaho niekalki razoŭ sudzili za kradziažy.
Ale što jamu budzie ciapier za zabojstva?
Ničoha. U Biełarusi ŭzrost kryminalnaj adkaznaści za zabojstva składaje 14 hadoŭ. 11‑hadovaha chłopčyka nie pakarali b tady — navat kali b adrazu vyznačyli vinu, — nie pakarajuć i ciapier.
Chłopčyka mahli pryciahvać da niejkich vychavaŭčych mieraŭ, baćki nieśli b za jaho materyjalnuju adkaznaść, ale ŭ lubym vypadku pra kryminalny pieraśled havorki nie išło b.
Ciapier čytajuć
U minskim mietro prachodziać vyprabavańni novyja ciahniki FOTY3
U minskim mietro prachodziać vyprabavańni novyja ciahniki FOTY
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju2020
Kamientary