U Talinie admianili kancert hurta Limp Bizkit z-za prarasijskich pohladaŭ salista
U Talinie admianili kancert amierykanskaha hurta Limp Bizkit z-za palityčnych pohladaŭ vakalista Freda Dersta, jakija vyklikali pytańni ŭ estonskich uładaŭ i hramadstva, paviedamlaje Delfi.ee.
U Ministerstvie zamiežnych spraŭ Estonii zajavili, što «prychilnikam dziaržavy-ahresara niama miesca ni ŭ Estonii, ni ŭ estonskaj kulturnaj prastory».
Palityčnyja pohlady Dersta vyklikali asabliva rezanansnuju ŭvahu. U 2015 hodzie jon vyjšaŭ na scenu z płakatam «Krym — Rasija», adkryta chvaliŭ Uładzimira Pucina, nazyvajučy jaho «vydatnym chłopcam», a taksama mieŭ namier nabyć nieruchomaść u anieksavanym Krymie.
Arhanizatary kancerta ŭ Estonii, ahienctva Baltic Live Agency, sprabavali patłumačyć jaho pavodziny tym, što da 2019 hoda Derst, maŭlaŭ, byŭ žanaty z žančynaj z Kryma i, mahčyma, byŭ pad upłyvam skažonaha infarmacyjnaha asiarodździa.
Adnak paźniej, u 2023 hodzie, Derst užo pamianiaŭ publičnyja pavodziny: jon vykłaŭ u sacsietkach videa z prezidentam Ukrainy Uładzimiram Zialenskim, dzie toj niasie bieły ściah pad pieśniu hurta Loser. Heta nibyta śviedčyć pra toje, što muzykant źmianiŭ svoj pohlad na kanflikt.
U ahienctvie taksama adznačyli, što suarhanizatarkaj kancerta vystupaje ŭkrainskaja kampanija NTR Team, kiraŭnik jakoj, Alaksandr Paradčanka, — aktyŭny prychilnik i patryjot Ukrainy.
U vyniku, adnak, arhanizatary pryniali rašeńnie admianić kancert, kab paźbiehnuć supiarečnaściaŭ i niehatyŭnaha rezanansu ŭ estonskim hramadstvie.
Ciapier čytajuć
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ6
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3434
Kamientary