Saakašvili paprasiŭ Zialenskaha ŭklučyć jaho ŭ śpisy vajennapałonnych
Były prezident Hruzii Michaił Saakašvili, jaki adbyvaje prysudžany jamu vialiki termin źniavoleńnia na radzimie, apublikavaŭ u fejsbuku zvarot da prezidenta Ukrainy Uładzimira Zialenskaha. U im palityk śćviardžaje, što kryminalnyja spravy ŭ Hruzii suprać jaho zaviali praź jahonuju dziejnaść va Ukrainie.
«U hetym kantekście absalutna vidavočna, što maje hanieńni i moj los źviazany z vajnoj. Ja hramadzianin Ukrainy i staršynia vykankama Nacyjanalnaj rady reformaŭ, dzie mieŭ honar pracavać pad vašym kiraŭnictvam. Chaču paprasić vas, jak i ŭ 2019 hodzie, kali vy viarnuli mnie niezakonna adabranaje hramadzianstva, uklučyć mianie ŭ jakaści byłoha staršyni Adeskaj ADA, staršyni vykankama Nacyjanalnaj rady reformaŭ, jaki niezakonna ŭtrymlivajecca prarasijskim režymam Hruzii, u śpis cyvilnych vajennapałonnych hetaj vajny z adpaviednymi pravavymi nastupstvami.
Ja viedaju, što ŭkraincy nie kidajuć svaich, i ja raźličvaju na vas», — piša Saakašvili.
12 listapada stała viadoma, što Michaiła Saakašvili pieraviali z balnicy nazad u turmu. Apošnija try hady jon pravioŭ u klinicy z-za prablem sa zdaroŭjem.
Michaiła Saakašvili zatrymali ŭ kastryčniku 2021 hoda, kali jon viarnuŭsia, budučy ŭ vyšuku, u Hruziju napiaredadni parłamienckich vybaraŭ, i potym asudzili na try hady źniavoleńnia, potym jašče na try.
U sioletnim sakaviku jaho asudzili dadatkova ŭ ahulnym liku na 12,5 hadoŭ pa spravach ab niezakonnym pierasiačeńni miažy Hruzii i rastracie dziaržaŭnych srodkaŭ. Niadaŭna suprać jaho i inšych hruzinskich apazicyjanieraŭ raspačali čarhovuju kryminalnuju spravu, tamu termin nieŭzabavie moža pavialičycca.
Michaiła Saakašvili vypisali z balnicy i viarnuli ŭ turmu
Saakašvili abvinavacili ŭ złačynstvach suprać dziaržavy
Što Saakašvili kazaŭ Łukašenku, kab vyzvalili palitviaźniaŭ
Saakašvili: Ja ŭpeŭnieny, što Makieja zabiła Maskva i heta było apošnim papiaredžańniem Łukašenku
«Zyču jamu svabody». Pieršaja žonka Saakašvili ŭpieršyniu pabačyłasia ź im za čas źniavoleńnia i skazała, što jany bolš nie razam
«Kali mnie prylacić, ja hatovaja». Nasta Rahatko — pra seks-scenu ŭ svajoj knizie, prarasijskich svajakoŭ, Hajun i Matolku32
Kamientary