Ukraina ŭpieršyniu aficyjna paćvierdziła naniasieńnie ŭdaraŭ pa terytoryi Rasii z dapamohaj novych rakiet ułasnaj raspracoŭki — «Fłaminha». Pra heta paviedamiŭ Hienieralny štab Uzbrojenych sił Ukrainy, apublikavaŭšy videa i fota zapusku.
Udary byli naniesienyja ŭ noč na 13 listapada pa niekalkich dziesiatkach celaŭ, u tym liku pa abjektach u akupavanych Krymie, Łuhanskaj i Zaparožskaj abłaściach, a taksama pa terytoryi Rasii — u rajonie horada Aroł.
Siarod abjektaŭ, jakija paciarpieli ad hetych udaraŭ, — naftabaza, radyjołakacyjnaja stancyja, aeradrom i palihon bieśpiłotnikaŭ. Pakul što Hienštab udakładniaje pamier naniesienaj škody.
Heta pieršy vypadak, kali Kijeŭ adkryta pryznaŭ vykarystańnie svaich ułasnych rakietnych sistem — «Fłaminha», «Bars» i «Luty».
Raniej paviedamlałasia, što mienavita vynikam pracy «Fłaminha» było paškodžańnie pamiežnaja bazy FSB pablizu Armianska ŭ Krymie, ale aficyjna heta nie paćviardžałasia.
Pavodle aficyjnych źviestak, rakieta «Fłaminha» maje dalokaść palotu da 3000 km i moža nieści bojehałoŭku vahoj kala 1150 kiłahramaŭ, što dazvalaje joj tearetyčna dasiahać Maskvy abo Sankt-Pieciarburha.
Zapusk adbyŭsia na fonie karupcyjnaha skandału, kali adzin ź blizkich da prezidenta Uładzimira Zialenskaha ludziej Cimur Mindzič, saŭładalnik kampanii Firepoint, jakaja vyrablaje «Fłaminha», źjechaŭ z krainy paśla pačatku rasśledavańnia suprać jaho.
Raptoŭna pamior Uładzimir Usier — niemałady aktyvist, jaki ŭlapaŭsia ŭ film BT i špijanaž u Polščy29
Kamientary
-Vania, pora na vojnu
-A s kiem vojujem?
-S fašistami 🇷🇺.
- Otlično! A protiv koho?"