«Za apošni čas my šmat zrabili dla budavańnia adnosinaŭ z našymi zachodnimi partniorami. <…> Ale kali brać u cełym, ja b nie skazaŭ, što my zrabili ŭsio, na što raźličvali, i što Zachad pajšoŭ nam nasustrač», zajaviŭ kiraŭnik dziaržavy ŭ intervju Reuters.
«Za apošni čas my šmat zrabili dla budavańnia adnosinaŭ z našymi zachodnimi partniorami. Ale kali brać u cełym, ja b nie skazaŭ, što my zrabili ŭsio, na što raźličvali, i što Zachad pajšoŭ nam nasustrač»,
— zajaviŭ 4 maja ŭ intervju ahienctvu Rejter Alaksandr Łukašenka, adkazvajučy na pytańnie ab adnosinach Biełarusi z Zachadam. Vytrymki ź intervju apublikavany 5 maja na sajcie infarmacyjnaha ahienctva.
«Jość dobryja zruchi, ale heta praces niaździejśnienych nadziej. My čakali ad Zachadu bolšaha», — skazaŭ jon.
Łukašenka nazvaŭ zachodnich palitykaŭ «biezadkaznymi», zajaviŭšy, što ŭ jakaści krokaŭ u adkaz dla palapšeńnia adnosinaŭ ź Biełaruśsiu Jeŭrasajuz pavinien adnavić paŭnavartasny palityčny dyjałoh ź Minskam, admovicca ad vizavych sankcyj i viarnuć krainie handlovyja prefierencyi, jakich jana pazbaviłasia niekalki hadoŭ tamu z‑za palityčnych roznahałośsiaŭ z Zachadam.
«My zrobim roŭna stolki krokaŭ, kolki hatovy zrabić Zachad. Ja nie mahu navat skazać pra tyja adčuvalnyja kroki, jakija ja zrabiŭ, i Zachad nas kinuŭ. I heta nam doraha kaštavała», — skazaŭ Łukašenka.
Kamientujučy mierkavańnie zachodnich palitykaŭ ab tym, što Biełaruś zanadta marudna ruchajecca pa šlachu demakratyčnych pieraŭtvareńniaŭ, a taksama krytyku ŭ bok Minska za niežadańnie ŭvieści maratoryj na śmiarotnuju karu, kiraŭnik biełaruskaj dziaržavy nazvaŭ hetyja abvinavačańni tolki padstavaj. »Zachadu nie padabajecca naš kurs i ciapierašni prezident. Voś i ŭsio. Davajcie budziem ščyrymi», — padkreśliŭ Łukašenka.
Ciapier čytajuć
Jakaja łohika sudoŭ za Hajun? Mužčyna, jakoha zatrymlivali pa hetaj spravie, apisaŭ ubačanaje29
Kamientary