U Kijevie ŭžo 16 paranienych u vyniku rasijskaj ataki, u tym liku dzicia
U vyniku načnoj rakietnaj ataki pa stalicy Ukrainy paciarpieli niekalki čałaviek.

Kiraŭnik Kijeŭskaj haradskoj vajskovaj administracyi Cimúr Tkačenka raskazaŭ, što kolkaść paciarpiełych u vyniku ataki rasijskich dronaŭ i rakiet vyrasła da 16. Pavodle jaho słoŭ, siarod paranienych — 10‑hadovaje dzicia.
Pavodle słoŭ Tkačenki, u Abałonskim rajonie Kijeva harać siomy i dziaviaty pavierchi žyłoha doma.
Akramia taho, u Śviatošynskim rajonie taksama ŭźnik pažar u žyłym budynku (raniej paviedamlałasia tolki, što tam zahareŭsia pryvatny dom), adbylisia taksama zaharańni ŭ Deśnianskim rajonie.
U Šaŭčenkaŭskim rajonie Kijeva haryć administratyŭny budynak, piša Tkačenka.
Ukrainskija ŭłady paviedamlajuć, što ŭ vyniku rasijskaha abstrełu Kijeva paškodžany kala 10 šmatkvaternych žyłych damoŭ.
Kamientary
Pišietie łabudu…
Priskorbno…