Błukajučy pa lesie ŭ ziamli Rajnłand-Pfalc 11 listapada, miascovy jehier sfatahrafavaŭ zahadkavuju žyviołu, jakuju pryniaŭ za bujnoha drapiežnaha kata.
Burhamistr Altenara zaklikaŭ žycharoŭ zachoŭvać spakoj. «My vielmi surjozna stavimsia da paviedamleńnia jehiera. Niama pryčyn dla paniki», — skazaŭ Daminik Hiler.
Žycharoŭ papiaredzili pra miery pieraściarohi ŭ lesie. Pra tajamničuju žyviołu ŭ lasach Hiermanii napisali mnohija niamieckija ŚMI, piša telehram-kanał «Što tam u niemcaŭ».
13 listapada Hiler raspavioŭ, što zaŭvažanaja žyvioła vialikich pamieraŭ — heta, mahčyma, chatni kot parody mejn-kun.
Chutčej za ŭsio, jon uciok ad haspadaroŭ kala miesiaca tamu pry pierajeździe z Hanoviera ŭ Saar, a ciapier sprabuje dabracca nazad dadomu. Dziakujučy publikacyjam u ŚMI ŭładalnica źnikłaha kata vyjšła na suviaź.
I ŭsio ž pakul dakładna nieviadoma, źjaŭlajecca ci nie hety mejn-kun tym samym zahadkavym źvierym, jakoha ŭbačyŭ jehier u lesie kala abščyny Altenar.
Kamientary