5 traŭnia ŭ vialikaj zali Biełaruskaj dziaržaŭnaj fiłarmonii adbudziecca śviatočnaja impreza, prymierkavanaja da 20‑hodździa teatra.
5 traŭnia ŭ vialikaj zali Biełaruskaj dziaržaŭnaj filarmonii adbudziecca śviatočnaja impreza, prymierkavanaja da 20‑hodździa teatru adnaho aktora «Źnič».
Biełaruski paetyčny teatar adnaho aktora «Źnič» — heta pieršy i adziny teatar u Biełarusi, jaki pracuje ŭ žanry monaspektaklu. Heta aznačaje, što ŭ teatralnaj pastanoŭcy ŭdzielničaje aktor, jaki ciaham paŭtary‑dźviuch hadzinaŭ zastajecca na scenie adzin. Takija dziei vymahajuć vialikaha majsterstva ad usich 22 aktoraŭ, jakija pracujuć u teatry.
Za 20 hadoŭ repertuar teatru skłaŭ 19 spektaklaŭ — paetyčnych, dramatyčnych, lalečnych i navat opernych. Pra sakret pośpiechu havoryć dyrektarka i mastackaja kiraŭnica Halina Dziahileva:
«U teatry samaje ŭlubionaje — heta našy spektakli. Hałoŭnaje — kab jany byli cikavyja, prafesijnyja, kab byli vysokaha mastackaha napaŭnieńnia. Kab nie było sumna i soramna — voś heta samaje hałoŭnaje».
Teatar adnaho aktora «Źnič» całkam biełaruskamoŭny. Niekalki hod tamu teatar raspačaŭ supracoŭnictva ź biełaruskim muzyčna‑falklornym kalektyvam «Prymaki» z Haradka, što na Biełastoččynie. «Prymaki» buduć hałoŭnymi haściami «Źniča» na śviatkavańni jubileju.
Mastacki kiraŭnik «Prymakoŭ» Jurka Astapčuk:
«Ja kali ŭpieršyniu pabačyŭ spektakl «Źniča», to amal što staŭ na kaleni. Bo byŭ vielmi hłyboka i pranikniona pieradadzieny sens i źmiest hetaha spektaklu».
U repertuary teatru takija spektakli, jak «Mnie śniacca sny ab Biełarusi» Janki Kupały, «U krainie śvietłaj…» Maksima Bahdanoviča, «Nobil — barviany ŭładar» Uładzimira Karatkieviča.
«Źnič» — vydatnaja źjava siońniašniaj biełaruskaj kultury, kaža namieśnica staršyni Tavarystva biełaruskaj movy Alena Anisim:
«Vidać, što dziejnaść teatru abumoŭlenaja navat jaho nazvaj «Źnič». Heta sapraŭdy jak zorka na niebaschile biełaruskaj dramaturhii, jakaja padśviečvaje dziejnaść mnohich vybitnych asobaŭ Biełarusi i niekatoryja staronki biełaruskaj historyi. Tamu «Źnič» užo niekalki hadoŭ zastajecca niepaŭtornaj źjavaj u historyi biełaruskaj kultury».
Tvorčaja impreza z nahody 20‑hodździa teatru «Źnič» pačynajecca a 19‑j hadzinie ŭ vialikaj zali Biełdziaržfilarmonii.
-
U Homielskim dramatyčnym teatry — kadravyja čystki. Znoŭ praz «palityku»
-
«Budzie śmiešna i baluča»: «Kupałaŭcy» prezientujuć zaŭtra novy śpiektakl. U hałoŭnych rolach — Manajeŭ, Biełachvościk, Harcujeva
-
«Rašeńnie pryjšło zvonku». Što adbyvajecca ŭ viciebskim teatry, dzie ŭ śpiektakli prahučała «Žyvie Fłandryja!» i pačałasia čarada zvalnieńniaŭ?
Kamientary