Cichanoŭskaja: Ja vitaju płany Polščy adkryć pamiežnyja pierachody
Demakratyčnaja lidarka Biełarusi prakamientavała rašeńnie Polščy adkryć z 17 listapada dva pamiežnyja pierachody na miažy ź Biełaruśsiu.
«Ja vitaju płany Polščy adkryć pamiežnyja pierachody. My zaŭsiody vystupali i praciahvajem vystupać za adkrytyja miežy dla pasažyraŭ. Heta važna dla biełarusaŭ, dla mahčymaści praściej bačycca ź siamjoj i padtrymlivać suviaź pamiž ludźmi pa abodva baki miažy.
Hety krok nakiravany na padtrymku ludziej, bo hetyja pierachody źjaŭlajucca miažoj sa svabodnym śvietam», — napisała jana.
Siońnia stała viadoma, što Polšča 17 listapada adkryje dva raniej zakrytyja pierachody: «Kuźnicu» i «Bierastavicu».
Prajektam praduhledžvajecca, što ruch praz punkt propusku «Kuźnica-Bruzhi» budzie adkryty dla pasažyrskaha transpartu, za vyklučeńniem aŭtobusaŭ. Ruch praz punkt propusku «Bierastavica-Babroŭniki» — dla pasažyrskaha i hruzavoha transpartu, u tym liku i dla aŭtobusaŭ.
Pierachod u Kuźnicy nie pracuje ź listapada 2021 hoda. Jaho zakryli, kali adbyłasia ataka mihrantaŭ z boku Biełarusi. Pierachod u Babroŭnikach zakryli ŭ lutym 2023 hoda paśla prysudu žurnalistu Andžeju Pačobutu.
U minskim mietro prachodziać vyprabavańni novyja ciahniki FOTY3
U minskim mietro prachodziać vyprabavańni novyja ciahniki FOTY
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju2020
Kamientary
ja baču , što my Biełarusy jak eŭrapiejskaja nacyja ruchajemsia da dabrabytu i demakratyi, vučymsia na našych pamyłkach