U biełaruskaj redakcyi «Nastojaŝieho vriemieni. Biełaruś» paćvierdzili, što ŭ pałovy supracoŭnikaŭ siońnia, 14 listapada 2025, apošni pracoŭny dzień, piša Biełaruskaja asacyjacyja žurnalistaŭ.
Druhaja pałova supracoŭnikaŭ budzie zvolnienaja najbližejšym časam.
BAŽ źviarnuŭsia da hienieralnaha dyrektara telekanała «Nastojaŝieje Vriemia» Paŭła Butoryna pa kamientar. Voś što jon skazaŭ adnosna pryčyn zakryćcia redakcyi:
«My pastajanna aceńvajem našyja prajekty i karektujem ich z ulikam pryjarytetaŭ, jakija mianiajucca, i raźvićcia padziejaŭ. Zakryćcio biełaruskaj redakcyi «Nastojaŝieho vriemieni» adbyłosia na fonie praviadzieńnia RSIE/RS krytyčna važnych reformaŭ pa aptymizacyi resursaŭ. My nievierahodna hanarymsia materyjałami, padrychtavanymi redakcyjaj, — jany ŭražvajuć. RSIE/RS pa-raniejšamu całkam prychilnaja da svajoj aŭdytoryi ŭ Biełarusi i praciahnie davać abjektyŭnyja naviny i infarmacyju na biełaruskaj i ruskaj movach».
Pavieł Butoryn paćvierdziŭ, što biełaruskaja redakcyja «Nastojaŝieho vriemieni» zakryvajecca całkam. Telekanał nie moža prapanavać kalektyvu ci jaho častcy novuju pracu.
Telekanał «Nastojaŝieje Vriemia» stvorany Radyjo Svaboda/Radyjo Svabodnaja Jeŭropa (RFE/RL) pry ŭdziele «Hołasa Amieryki». Finansavaŭsia z hrantaŭ Kanhresa ZŠA praz Ahienctva pa hłabalnych miedyjach (USAGM).
Current Time Belarus — častka telekanała «Nastojaŝieje Vriemia», jaki ŭ 2023 hodzie admysłova stvaraŭsia dla ruskamoŭnaj aŭdytoryi ź Biełarusi. Jak tady raskazvaŭ u intervju BAŽ dyrektar telekanała Pavieł Butoryn, pierad prajektam staviłasia zadača paviedamlać biełarusam cikavuju i karysnuju infarmacyju biez cenzury i abmiežavańniaŭ, a taksama raskazvać pra aktualnyja prablemy, pierš za ŭsio ŭnutry krainy, ale taksama i za jaje miežami.
14 sakavika prezident ZŠA Donald Tramp padpisaŭ ukaz, nakiravany na skaračeńnie siami fiederalnych ahienctvaŭ, u tym liku Ahienctva ZŠA pa hłabalnych miedyjach (USAGM), jakoje kuryravała Radyjo Svaboda/Radyjo Svabodnaja Jeŭropa (RFE/RL) i inšyja dziaržaŭnyja medyjaresursy. Tramp svaim ukazam spyniŭ dziejańnie hranta, jakim finansavałasia dziejnaść «Radyjo Svabodnaja Eŭropa/Radyjo Svaboda».
U siaredzinie krasavika 2025 hoda ŭsie supracoŭniki biełaruskaj redakcyi prajekta ŭžo sychodzili ŭ administracyjny adpačynak praź finansavyja składanaści. Paźniej biełaruskaja redakcyja adnaviła svaju pracu, ale, jak akazałasia, nienadoŭha.
U minskim mietro prachodziać vyprabavańni novyja ciahniki FOTY3
U minskim mietro prachodziać vyprabavańni novyja ciahniki FOTY
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1919
Kamientary
Znajšoŭ tolki takoje pra kiraŭnika kanała:
"Pavieł Butorin: "Moim dietiam trudno poniať, počiemu ich mama okazałaś za riešietkoj v Rośsii"
18 apriela 2024 hoda 06:01 msk
18 apriela ispołniajetsia połhoda s tiech por, kak v Rośsii ariestovali žurnalistku Tataro-baškirskoj słužby Radio Svoboda Ałsu Kurmašievu, hraždanku SŠA i Rośsii, kotoraja postojanno živiet v Prahie s mužiem i dvumia dieťmi. My pohovorili s mužiem Ałsu Pavłom Butorinym".
Pry ŭsioj pavazie, jakoje dačynieńnie spadar Butoryn maje da biełarusaŭ, kab atrymlivać finansavańnie jak biełarus?