Adzin z žycharoŭ Minska apublikavaŭ u tyktoku videa z kaviarni Burger King va Uruččy, dzie padčas naviedvańnia jon pabačyŭ antysanitaryju. Padrabiaznaści historyi apisvaje ahienctva «Minsk-Naviny».
U abjektyŭ fotakamiery trapili niedakurki, cyharety, brudnaja padłoha i raskidanaje śmiećcie. «Heta norma?» — zadajecca pytańniem aŭtar videa i dadaje, što ŭstanova «stała pamyjnicaj».
U adkaz adzin z kamientataraŭ dadaŭ, što i ŭ inšym punkcie sietki hramadskaha charčavańnia možna ŭbačyć padobnuju karcinu. Adnak bolšaść paličyła, što vinavatyja sami naviedvalniki.
Videa vyvučyli śpiecyjalisty centra hihijeny i epidemijałohii Pieršamajskaha rajona, paśla čaho pravieryli kaviarniu:
«U čaćvier, 13 listapada, praviedzienyja nahladnyja mierapryjemstvy ŭ dačynieńni da restarana chutkaha absłuhoŭvańnia «Burhier Kinh» na praśpiekcie Niezaležnaści, 179. Fakt parušeńniaŭ paćvierdziŭsia, u suviazi z čym vyniesiena pradpisańnie ab prypynieńni vytvorčaści i rabot, pasłuh vyšejpakazanaha abjekta da likvidacyi parušeńniaŭ», — raskazali śpiecyjalisty.
Ciapier čytajuć
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ4
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3232
Kamientary