Narada pa situacyi na miažy ź ES prajšła biez udziełu Łukašenki
Brali ŭdzieł Alaksandr Turčyn, Alaksandr Valfovič, Ivan Cierciel, Kanstancin Mołastaŭ, Maksim Ryžankoŭ.
Pad kiraŭnictvam premjer-ministra Alaksandra Turčyna i dziaržaŭnaha sakratara Rady biaśpieki Alaksandra Valfoviča adbyłasia narada, pryśviečanaja situacyi na miažy ź dziaržavami Jeŭrapiejskaha sajuza. Mierapryjemstva prajšło pa daručeńni Alaksandra Łukašenki, piša BiełTA.
U naradzie taksama ŭziali ŭdzieł kiraŭniki Ministerstva zamiežnych spraŭ Maksim Ryžankoŭ, Dziaržaŭnaha pamiežnaha kamiteta Kanstancin Mołastaŭ, Dziaržaŭnaha mytnaha kamiteta Uładzimir Arłoŭski i Kamiteta dziaržaŭnaj biaśpieki Ivan Cierciel.
«Udzielniki detalova abmierkavali stan i pierśpiektyvy raźvićcia situacyi na miažy, adznačyŭšy, što isnujučaje stanovišča nie adpaviadaje intaresam ni Biełarusi, ni Jeŭrapiejskaha sajuza», — zajaviŭ žurnalistam pres-sakratar MZS Rusłan Varankoŭ.
«Biełaruś paśladoŭna zaklikaje jeŭrapiejskich susiedziaŭ da adnaŭleńnia raniejšaha režymu pracy miažy ŭ intaresach zvyčajnych hramadzian i raźvićcia transhraničnaha supracoŭnictva».
«Na hetym fonie vitajem rašeńnie ŭładaŭ Respubliki Polšča ab adnaŭleńni pracy raniej začynienych dvuch punktaŭ propusku praź biełaruska-polskuju miažu dla pieramiaščeńnia ludziej, transpartnych srodkaŭ i hruzaŭ. Heta rašeńnie akazvaje stanoŭčy ŭpłyŭ pieravažna na pamiežny handal», — skazaŭ pres-sakratar.
U paviedamleńni MZS adznačajecca, što hety krok źjaŭlajecca prajavaj kanstruktyŭnaha staŭleńnia Polščy, nakiravanym pieravažna na žadańni ŭłasnych hramadzian.
«Na žal, my nie nazirajem anałahičnaha padychodu z boku litoŭskich uładaŭ, jakija praciahvajuć ihnaravać intaresy ŭłasnych hramadzian», — adznačyŭ Rusłan Varankoŭ.
«Upeŭnienyja, što rašeńnie Polščy — heta tolki pieršy krok da raźvićcia našaha dvuchbakovaha ŭzajemadziejańnia. Dośvied pakazvaje: za raźvićciom kantaktaŭ pamiž ludźmi, a časam navat raniej, niepaźbiežna idzie pahłybleńnie palityčnaha supracoŭnictva», — reziumavaŭ pradstaŭnik MZS.
17 listapada Polšča adkryje dva punkty propusku na miažy ź Biełaruśsiu — Kuźnicu i Babroŭniki.
Ciapier čytajuć
U minskim mietro prachodziać vyprabavańni novyja ciahniki FOTY3
U minskim mietro prachodziać vyprabavańni novyja ciahniki FOTY
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju2020
Kamientary