U Homieli vynieśli prysud dačniku, jaki zabiŭ susieda i zakapaŭ trup u siabie na dvary, a źvierchu pasadziŭ drevy
U Homieli vyniesieny prysud dačniku, jaki zabiŭ susieda i zakapaŭ trup u siabie na dvary. Kryminalnuju spravu razhledzieŭ Homielski abłasny sud, piša «Homielskaja praŭda».
6 krasavika 2025 hoda 77‑hadovy abvinavačany raśpivaŭ śpirtnoje sa znajomymi ŭ haściach u adnaho ź ich. Potym jon nakiravaŭsia da siabie na lecišča razam z 45‑hadovym tavaryšam. Tam jany praciahnuli ŭžyvać ałkahol, i ŭ peŭny momant pamiž imi ŭźnik kanflikt.
Tady piensijanier uziaŭ taburet i ŭdaryŭ susieda pa hałavie, paŭtaryŭ heta jašče raz, paśla čaho nanios bolš za 30 udaraŭ nažom, rukami i nahami. Mužčyna pamior ad mocnaj straty kryvi, u tym liku z-za paškodžańnia sonnaj arteryi.
U toj dzień piensijanier pajšoŭ načavać da susieda na padstavie taho, što dom nie prahrety i tam chałodna. Ranicaj viarnuŭsia da siabie na lecišča, zaharnuŭ trup u bryzient i schavaŭ na ŭčastku. Potym prybraŭsia ŭ domie, kab schavać ślady złačynstva, uziaŭ zaplečnik achviary i nakiravaŭsia ŭ abłasny centr. Chacieŭ zabłytać śledstva, tamu pakinuŭ rečy zabitaha ŭ hramadskim transparcie.
Na nastupny dzień jon znoŭ pryjechaŭ na lecišča, vykapaŭ jamu kala chlava i źmiaściŭ u jaje trup. Na ŭtvoranym piasčanym nasypie pasadziŭ niekalki parastkaŭ dreŭ i aharadziŭ terytoryju nievialikaj aharodžaj. Liški piasku vyviez u inšaje miesca.
Pieršym źniknieńnie 45‑hadovaha mužčyny naściarožyła kuma zabitaha. Reč u tym, što na ich telefonach byŭ ustanoŭleny śpiecyjalny dadatak, jaki adsočvaŭ miescaznachodžańnie kantaktu ŭ režymie realnaha času. Adnak 6 krasavika danyja pra znachodžańnie paciarpiełaha pierastali abnaŭlacca, a sihnał pierapynyŭsia jakraz u domie abvinavačanaha. Kali svajak zahinułaha patelefanavaŭ zabojcu, kab pasprabavać vyśvietlić jakuju-niebudź infarmacyju, toj adkazaŭ, što ničoha nie viedaje. Kum źviarnuŭsia ŭ milicyju, da pošukaŭ padklučylisia supracoŭniki PVA «Simuran». Jany znajšli zamaskiravanuju mahiłu, a ŭ joj trup.
Homielski abłasny sud pryznaŭ piensijaniera vinavatym u zabojstvie, učynienym z asablivaj žorstkaściu, i pryznačyŭ jamu 12 hadoŭ pazbaŭleńnia voli ŭ papraŭčaj kałonii ŭzmocnienaha režymu. Taksama jon abaviazany prajści prymusovaje lačeńnie ad chraničnaha ałkahalizmu.
Ciapier čytajuć
Što kažuć Mackievič, Karpaŭ, Čarniaŭskaja i inšyja pra pres-kanfierencyju Babaryki i Kaleśnikavaj31
Što kažuć Mackievič, Karpaŭ, Čarniaŭskaja i inšyja pra pres-kanfierencyju Babaryki i Kaleśnikavaj
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»2828
Kamientary
"Prykładańnie" navat u słoŭnikach zapisana vyklučna jak niejkaje dziejańnie. Kali majecca na ŭvazie niejki abjekt jaki dapaŭniaje niešta - užyvajecca słova "dadatak". Tamu moža być "prykładańnie siły", ci "prykładańnie kampresaŭ", ale na telefonie moža być tolki "prahramny dadatak".