Hamialčuk patrabuje prybrać «śmietnik» z cacak kala padjezda, ale astatnim žycharam tak padabajecca
Žychar šmatpaviarchovika ŭ Homieli apynuŭsia ŭ davoli dziŭnaj situacyi: prosta kala padjezda razrasłasia cełaja instalacyja ź dziciačych cacak. Jon ličyć, što terytoryja pieratvaryłasia ŭ sapraŭdny śmietnik, ale ŭ ŽEU tolki razvodziać rukami: inšyja žychary nie suprać takoha ŭparadkavańnia, piša «Anłajnier».
Jak kaža čytač, kala ŭvachoda ŭ budynak utvaryŭsia sapraŭdny zaapark: dziasiatki plušavych lvoŭ, miadźviedziaŭ, konikaŭ susiedničajuć z płastykavymi chatkami dla lalek, mašynkami, posudam. Častka miakkich cacak prybitaja ćvikami da dreŭ, častka prosta staić na ziamli. Mnohija ŭžo staryja, vyćviłyja abo pałamanyja.
Mužčyna nazyvaje hetaje miesca śmietnikam i baicca, što kali ničoha nie mianiać, to kanstrukcyja budzie tolki razrastacca.
«Ja źviartaŭsia ŭ słužbu 115 — zajaŭku pieradali miascovamu ŽEU. Kamunalniki praviali apytańnie siarod žycharoŭ — nichto nie suprać takoha ŭparadkavańnia (heta paćviardžaje i apytalny list, jaki maje redakcyja «Anłajniera», — u im raśpisalisia 22 čałavieki). Tak što ŭ ŽEU mnie skazali, što prybirać ničoha nie buduć. Skardziŭsia ja i ŭ sanstancyju, ale tam taksama ničoha nie mohuć zrabić: nibyta heta nie bytavoje śmiećcie, a prosta cacki».
Redakcyja «Anłajniera» paprasiła jurysta prakamientavać, nakolki padobnyja «ŭpryhažeńni» naohuł zakonnyja.
Śpiecyjalist tłumačyć, što praviły karystańnia žyłymi pamiaškańniami, utrymańnia žyłych i dapamožnych pamiaškańniaŭ, zaćvierdžanyja pastanovaj Savieta Ministraŭ Respubliki Biełaruś ad 21 maja 2013 hoda №399, adnaznačna zabaraniajuć zahruvaščvać kalidory, prachody i lubyja dapamožnyja pamiaškańni.
U dvary žycharam, viadoma, nie zabaroniena prajaŭlać inicyjatyvu, ale jość važnyja ŭmovy:
- tvorčaść nie pavinna pieraškadžać inšym žycharam;
- nie pavinna psavać źniešni vyhlad terytoryi;
- i samaje hałoŭnaje — nie pavinna parušać patrabavańni pažarnaj biaśpieki i sanitarnych normaŭ.
Kali źjaŭlajecca niezadavoleny susied (u hetym vypadku jon jość), to ŽEU abaviazana adreahavać: pahutaryć z žycharami, skłaści akt, a pry nieabchodnaści — prybrać i ŭtylizavać ŭsio lišniaje. Kali ž kamunalnyja słužby nie robiać dziejańniaŭ, čałaviek maje prava iści dalej — u vykankam ci ŭ sud, padkreślivaje juryst.
U Słuckim rajonie z sałamianych ciukoŭ zrabili «Aleju pamiaci» FOTAFAKT
Na Tajvani vałancior muzieja źniščyŭ tvor sučasnaha mastactva, pracioršy lusterka ad pyłu
U Słuckim rajonie nieviadomyja vykapali tui z mohiłak. I heta nie adzinaja dla ich prablema
U Lachavičach pachvalilisia kopijaj histaryčnaha zamka, jakaja musić pryciahnuć turystaŭ — čatyry budki bolš nahadvajuć prybiralni
Kamientary
Tak psuje ž.
Voś tamu hety čałaviek heta usio intuityuna adčuvaje, tamu i turbujecca. Trupy pavinny być pachavany u ziamle na mohiłkach (a nie u mauzalejach i u carkounych maščach), a miortvyja cacki pavinny być u śmietniku.